Vbene A Ya Loo Ebe Na Hẹ

Vbe ebe na, u gha miẹn ako evbagbẹn nọhuanrẹn na khian ziro yan vbe dọmwadẹ ẹdẹ kevbe evba gbẹnnẹ ye ototọ ẹre nọ guan yan ako evbagbẹn nọhuanrẹn nii. Agharhemiẹn wẹẹ, a ma wa mwamwa ẹghẹ ọkpa yọ, na khian ya gha tie ẹre vbe dọmwadẹ ẹdẹ, sokpan ẹghẹ owiẹ ẹre emwa nibun zẹ kọ ne iran ya tie ọghe iran. Iran gha ghi tie ẹre nẹ vbe owiẹ, iran ghi fẹko gha muẹn roro, vbene ẹdẹrriọ te fo. Ẹgbẹe gha wa miẹn ere vbọ, deghẹ iran na koko gha tie ẹre. Ẹghẹ owiẹ ẹre etẹn ni ga vbe Bẹtẹl vbe uhunmwu otagbọn hia ya koko tie ọghe iran.

Evba gbẹnnẹ ye ototọ dọmwadẹ ako evbagbẹn nọhuanrẹn na khian ziro yan vbe ebe na, keghi hẹnhẹn egbe yan ako iruẹmwi ọghe ebe Owa Ọkhẹ (w) ọghe April 2021 ya sẹ March 2022. Avbe olaba ni lele ukpo kevbe uki ọghe nene ebe Owa Ọkhẹ ọre ipapa ne evba gbẹnnẹ nii ke ladian, avbe olaba ni ghi lelẹe, ọre okhuẹn nọ ye, vbe nene ako iruẹmwi. (Ghee igiemwi nọ rre ototọ mwa.) U gha vbe miẹn ayahọmwaehọ ọvbehe nọ dekaan emwi na khian ziro yan vbe dọmwadẹ ẹdẹ vbe ako iruẹmwi nọ na ladian.