Dọmwadẹ Uhunmwuta Ni Rre Uwu Ẹre

Emwa nibun vbe ẹdẹnẹrẹ keghi gualọ uyi ne a miẹn vbe agbọn Esu. Vbe ako iruẹmwi na, ma gha guan kaẹn evbọzẹe ne ọ na khẹke ne ima gha gualọ uyi nọ ghi hiunsi sẹ, nọ re uyi ne Jehova mu ye eguọmwadia re egbe. Ma gha vbe guan kaẹn odẹ ne Jehova ya mu uyi ye eguọmwadia re egbe vbe odẹ ne iran ma te yaro yi.

Vbe ako iruẹmwi na, ma gha guan kaẹn evbọzẹe ne Mọzis nọ ya ẹkoata ga e Jehova ma na lae Otọ Ne A Ru Eyan Rẹn. Ma gha vbe ziro yaẹn emwi ne ima gha ru ne emwi nọ sunu dae Mozis ghẹ mieke na sunu dae ima.

E Jehova ẹre ọ gele yaẹn emwa hia rhunmwuda irẹn ẹre ọ yi ima hia. Nọnaghiyerriọ, ọ hoo ne ima gha rhie ugamwẹ ne a ma gua ne irẹn. Sokpan, eguọmwadia Osanobua eso ni yin uyinmwẹ nọ ma gba keghi ru vbene a miẹn wẹẹ iran ya ẹkoata ga e Jehova. Vbe ako iruẹmwi na, ma gha miẹn emwi ruẹ vbe okha ọghe Keni, Solomọn, Mozis kevbe Erọn. Vbe ako iruẹmwi nọ ghi lele ọna, ma gha ziro yan odẹ ughughan ne ima khian ya gha gbọyẹmwẹ ye ukpamuyọmọ ne ima mwẹ ne ima na re eguọmwadia e Jehova.