UYINMWẸ ỌGHE IMA NE IVBIOTU E KRISTI

Ihuan Arriọba Keghi Rhie Igiọdu Ne Ọmwa

Ọtẹn Nokpia Erich tota ye ehe ne a na kpee ẹgiọn

E Pọl vbe Silas ghaa sihuan urhomwẹ gie Osanobua vbe iran rre eghan. (Iwinna 16:25) Etẹn eso vbe gha sihuan Arriọba vbe iran ghaa rre agọ irrioya ọghe Nazi Germany vbe Sachsenhausen kevbe vbe iran ghaa rre imu vbe Siberia. Igiemwi na keghi rhiẹre ma vbene avbe ihuan ọghe ima ya rhie igiọdu ne etẹn ni werriẹ aro daa ukpokpo.

Ne ebe ihuan ọghe ọgbọn “Sing Out Joyfully” to Jehovah (‘Ya Ọyẹnmwẹ Sihuan’ Gie Jehova) gha rherhe ladian vbe urhuẹvbo nibun. Ọ gha wa sẹ obọ, ma ghi hia ne ima gha ruọre vbe iruẹmwi ẹgbẹe ọghe ima, ne ima mieke na rẹn ọnrẹn ye uhunmwu. (Ẹfis 5:19) Orhiọn nọhuanrẹn gha ru iyobọ ne ima, ne ima gha yee avbe ihuan na rre vbe ima gha rre uwu ọlọghọmwa. Ihuan Arriọba gha sẹtin ya ima rhie aro tua ayayẹro ne ima mwẹ. Iran sẹtin rhie igiọdu ne ima vbe ima gha rre uwu ọlọghọmwa. Adeghẹ ẹko na gha rhiẹnrhiẹn ima, ẹmwẹ nọ gua ọmwa kpa nọ rre ihuan na, gha sẹtin ya ima gha ‘ya ọyẹnmwẹ’ sihuan gie Jehova. (1 Krọ 15:16; Psm 33:1-3) Gima hia fẹrẹ hia na gha sihuan Arriọba vbe ẹghẹ hia!

VBE A GHA GHI GHEE ẸRE FO NẸ IGHE NE VIDIO IHUAN NỌ RHIE IGIỌDU NE ETẸN NI RRIOYA, U GHI ZẸ EWANNIẸ YE AVBE INỌTA NA:

De emwi nọ sunu nọ ya Ọtẹn Nokpia Frost gbẹn ihuan?
De vbene ihuan nii ya rhie igiọdu ne etẹn ni ghaa rre agọ irrioya vbe Sachsenhausen?
De vbene ihuan Arriọba khian ya ru iyobọ nuẹ hẹ vbe emwi ne u werriẹ aro daa ẹdẹgbegbe?
De ihuan Arriọba ne u hoo ne u rẹn ye uhunmwu?