De Ọmwa Nọ Re Osa Ọghe Ẹmwata?

Osa ọghe ẹmwata ọkpa ẹre ọ rrọọ, eni ẹnrẹn ọre Jehova. (Psalm 83:18, NW) Ọmwa Orhiọn ẹre irẹn khin; ma i sẹtin bẹghe ẹre. Ọ hoẹmwẹ ima, ọ vbe hoo ne ima hoẹmwẹ irẹn. Deba ọni, ọ hoo ne ima hoẹmwẹ emwa ọvbehe. (Matiu 22:35-40) Irẹn ọre Osa ne Udazi kevbe Ayi ne ọ yi emwi hia.

Ọmọ orhiọn ọkpa nọ mwẹ ẹtin ẹre Osanobua ka gha yi, a te miẹn wẹẹ ọ yi emwi hia nikẹre; Jesu Kristi ọre eni na ghi do rẹn ọmọ orhiọn na yi vbe okiekie. E Jehova keghi vbe yi avbe odibosa.

E Jehova ẹre ọ yi emwi hia ni rre ẹrinmwi . . . kevbe ni rre uhunmwu otagbọn. Arhie Maan 4:11

Osanobua ne Jehova ẹre ọ yi avbe orhọnmwẹ, irẹn ẹre ọ vbe yi agbọn na kevbe emwi hia ni rre uwu ẹre.—Gẹnẹsis 1:1.

Ekẹn ẹre Osanobua ya yi okpia nokaro na tiẹre Adam.—Gẹnẹsis 2:7.