De Ọmwa Nọ Gele Kha Yan Agbọn Na?

EMWI NE BAIBOL KHARE

“Ọmwa Dan nii ẹre ọ kha yan agbọn na hia.”—1 Jọn 5:19.

“Rhunmwuda ọna ọre Ovbi Osanobua na rre, ne ọ do fuẹn iwinna Esu rua.”—1 Jọn 3:8, E Baibol Ẹdo.

ODẸ NẸ IYAYI NA KHIAN YA RU IYOBỌ NUẸ

Ọ gha ya ruẹ rẹn ototọ emwi nọ si ọlọghọmwa ọghe agbọn na.—Arhie Maan 12:12.

Ọ gha vbe ya ruẹ yayi wẹẹ, agbọn na gha fi werriẹ do maan sẹ vbene ọ ye na.—1 Jọn 2:17.

MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eha:

• Ukhamwẹ ọghe Setan dogborua nẹ. E Jehova wa muegbe nọ ya muẹn sẹ ufomwẹ, ukhamwẹ ọghe Setan. Irẹn yan rẹn wẹẹ, irẹn gha “miẹn Esu uhunmwu,” ọ ghi dọlọeyi fẹfẹfẹ emwi hia ne Esu mu rhia.— Hibru 2:14, E Baibol Ẹdo.

• Osanobua zẹ Jesu Kristi nẹ, zẹvbe ọmwa nọ khian kha yan agbọn na. Jesu wa lughaẹn fẹfẹfẹ ne ọkaẹrhia nọ rrọọ na, nọ kha yan agbọn na. Nọ dekaẹn ukhamwẹ ọghe Jesu, Osanobua keghi ru eyan: “Ọ tohan iran ni ma wegbe kevbe ivbiogue . . . ọ miẹn iran fan hin obọ a zẹ ọmwa kpokpo kevbe ọkpankpan.”—Psalm 72:13, 14.

• Osanobua i sẹtin ta ohoghe. E Baibol tae vbe odẹ nọ dewuarorua wẹẹ: “Osanobua i . . . sẹtin ta ohoghe.” (Hibru 6:18) E Jehova gha yan nẹ wẹẹ irẹn gha ru emwi, emwi ọkpa i daeyi nẹ ghẹ ru ẹre! (Aizaia 55:10, 11) Te a khian khuẹ rhorhua “ighẹ nọ khaemwisẹ yan agbọn na.”—Jọn 12:31.