Emwa Ni Wulo Nẹ Gha Gele Werriegbe Do Gha Rrọọ Ra?

EMWI NE BAIBOL KHARE

“Arriọkpaegbe a gha rrọọ.”—Iwinna 24:15, New World Translation.

ODẸ NẸ IYAYI NA KHIAN YA RU IYOBỌ NUẸ

Ọ gha rhie ifuẹko nuẹ adeghẹ emwa ne u hoẹmwẹ ọnrẹn na wu.—2 Kọrinti 1:3, 4.

Ọ gha ru iyobọ nuẹ ne u ghẹ gha mu ohan uwu.—Hibru 2:15.

Ọ gha ya ruẹ gha mwẹ ayayẹro wẹẹ, uwẹ kevbe emwa ruẹ ni wulo nẹ, gha werriegbe do gha rrọọ kugbe.—Jọn 5:28, 29.

MA GHA SẸTIN GELE YAEYI EMWI NE BAIBOL KHARE RA?

Ẹẹn, rhunmwuda emwi eha:

• Osanobua ọre Ayi ọghe arrọọ. E Baibol khare wẹẹ obọ Osanobua ne Jehova “ẹre arrọọ hia ke rre.” (Psalm 36:9; Iwinna 17:24, 25) Ọmwa nọ rhie arrọọ ne evbayi hia, wa sekpe nọ gha sẹtin werriegbe rhie arrọọ ne ọmwa nọ wu nẹ.

• Osanobua ka huẹn emwa ni wulo kpaegbe vbe ẹghẹ nọ gberra. E Baibol guan kaan orhunmwu erẹnrẹn, ke ọmaẹn, ke ẹghele, ke ikpia kevbe ikhuo ni te wu, ni rhiọ kpaegbe. Eso rrọọ ni wu vbe ọ ma he kpẹẹ gbe. Sokpan ọkpa ghaa rrọọ nọ ghaa rre uwu idin vbe ọwara ikpẹdẹ enẹ!—Jọn 11:39-44.

• Osanobua muegbe nọ ya werriegbe ru ẹre. Ẹi yẹẹ e Jehova vbe emwa ghaa wulo. Te irẹn ghee uwu zẹvbe eghian. (1 Kọrinti 15:26) Ọ hoo nọ rherhe khọn eghian na muotọ, ọ ghi vbe huẹn emwa ni wulo kpaegbe. Ẹghẹ nii, uwu ghi do khian na wabọre rua vbe etẹbitẹ. Osanobua hoo nọ werriegbe rhie arrọọ ne iran ni rre ayere ọghẹe, ne iran mieke na dọlegbe gha rre agbọn na.—Job 14:14, 15.