Omuso Ọghe Abọ 5

Uki eva ghi gberra nẹ, ne Ivbi Izrẹl fian Okun Nọ Baa gberra, iran keghi sẹ Oke Sainai. Evba ẹre Jehova na ghi gu Ivbi Izrẹl ta ile wẹẹ agbẹnvbo ọghe irẹn ne kpataki ẹre iran ghi khin. Ọ na gha gbogba ga iran, ọ na vbe gha kpemehe emwi hia ne iran​—⁠ọ ghaa rhie evbare ọkpa na tiẹre mana ne iran, ukpọn ọghe iran ma fafa kevbe wẹẹ iran vbe gha mwẹ eke ne iran rhie uhunmwu lẹre yi. Adeghẹ evbibiẹ ọmọ ẹre u khin, ru iyobọ ne ovbuẹ ne ọ ya rẹn evbọzẹe ne Jehova na gbe Uhi ne Ivbi Izrẹl, evbọzẹe ne ọ na wẹẹ ne iran gha ga vbe ogiukpo kevbe evbọzẹe ne ọ na wẹẹ ne iran gha mwẹ ohẹn. Nianiaẹn vbene ọ ru ekpataki hẹ na gha mu eyan na ru sẹ, na gha mwẹ imuegberriotọ kevbe na gha mwẹ ẹkoata dae Jehova.