Omuso Ọghe Abọ 11

Abọ na keghi guan kaan Evbagbẹn Nọhuanrẹn Na Ya Urhuẹvbo e Grik Gbẹn. Ẹgbẹe ọkpa nọ ma fe, ni ghaa rre ẹvbo ọkpa nọ ma kpọlọ gbe, ẹre a biẹ Jesu yi. Jesu kegha winna lele erhae ne ekabita. Jesu ọre ọmwa nọ khian miẹn emwa nagbọn fan. Irẹn ẹre Jehova vbe zẹ nọ gha re Ọba ọghe Arriọba nọ rre ẹrinmwi. Adeghẹ evbibiẹ ọmọ ẹre u khin, ru iyobọ ne ovbuẹ ne ọ ya rẹn vbene Jehova ya gbarokotọ gualọ ẹgbẹe ne a khian biẹ Jesu yi kevbe ẹdogbo na khian na koko ẹre waan. U ghi vbe guan kaan vbene Jehova ya gbogba ga e Jesu hẹ, vbe ẹghẹ ne Hẹrọd khian na te gbe ẹre rua; vbe rhan otọre wẹẹ emwi rhọkpa i rrọọ nọ khian mu idobo ye emwamwa ọghe Jehova nẹ ghẹ mwẹ amusẹ. U gha vbe ruẹ vbekpa vbene Jehova ya gie Jọn hẹ, nọ ru emwamwa khẹ Jesu. Niania vbene Jesu ya rhiẹre ma hẹ wẹẹ irẹn gbọyẹmwẹ ye ẹwaẹn ọghe Jehova uhiẹn vbe ọ rre ọvbokhan.