Omuso Ọghe Abọ 13

Te Jesu rrie agbọn na, ne ọ do wu ye orukhọ ọghe emwa nagbọn. Agharhemiẹn wẹẹ Jesu wu, te irẹn khọnmiotọ yan agbọn na. Rhunmwuda ẹkoata ne Jehova mwẹ dae Jesu, ẹre ọ zẹ ne Jehova na huẹn ọnrẹn kpaegbe vbe idin. Ya sẹ ẹdẹ ne Jesu wu, te ọ wa gha ya imuegberriotọ ga emwa ọvbehe, ọ na vbe gha yabọ emwa ni ru orukhọ. Jesu ghi rhiọkpaegbe, ọ keghi rhiegbe ma avbe erhuanegbe ẹre. Ọ na maa iran re vbene iran khian ya gha ru iwinna ne kpataki ne ọ mu ne iran. Adeghẹ evbibiẹ ọmọ ẹre u khin, ru iyobọ ne ovbuẹ ya rẹn wẹẹ, te ọ khẹke ne ima vbe gha mwẹ obọ vbe iwinna na vbe ẹdẹnẹrẹ.