Omuso Ọghe Abọ 12

Jesu keghi maa emwa emwi vbekpa Arriọba nọ rre ẹrinmwi. Ọ vbe maa emwa re ne iran gha na erhunmwu ne eni Osanobua gha re na kpe huan, ne Arriọba ọghẹe rre kevbe na ru ahoo ọghẹe vbe agbọn na. Adeghẹ evbibiẹ ọmọ ẹre u khin, rhan otọre ma ovbuẹ vbene erhunmwu na ya dekaan ima hẹ. Jesu ma kue ne Setan si irẹn hin odẹ ọghe Osanobua rre. Jesu keghi zẹ avbe ukọ ọghẹe, iran na do gha re ẹyotọ ọghe Arriọba Osanobua. U ghi yẹrẹro vbene Jesu ya rhie izọghae ma hẹ vbe ugamwẹ ẹmwata. Rhunmwuda ne Jesu na gha hoo ne ọ ru iyobọ ne emwa ọvbehe, ọ keghi mu emwa egbe rran, ọ rhie evbare ne emwa ne ohanmwẹ gbe, ọ vbe huẹn emwa ni wulo kpaegbe. Emwi ọyunnua ne irẹn ru na, keghi rhiẹre ma emwi ne ọ khian ru ne emwa nagbọn vbe Arriọba Osanobua.