Ọ Khẹke Ne U Ye Gha Gu Ẹre Guan Ra?

Adeghẹ ọmwa na ya ekhọe hia nọ ima ọta, ra ọ na ta ẹmwẹ eso nọ rhie ẹre ma wẹẹ ọ ma kue ye ẹmwẹ ne ima ta, ma keghi hoo ne ima ye gu ọmwa nii zẹ iro sayọ. “Emwa hia ni mu egbe, ne iran ya ru emwi nọ gha ya iran gha mwẹ arrọọ ọghe etẹbitẹ,” ẹre ima hoo ne ima gha kporhu ma.—Iwinna 13:48.

Sokpan, de emwi nọ khẹke ne u ru, deghẹ ọmwa ne u kporhu ma na gha mu ohu, ọ na gha hoo nọ muan ẹmwẹ, ra ọ ma na vbe hoo nọ danmwehọ ruẹ? Ọ gha de vberriọ, u ghi hẹko ya ẹwaẹn dobọ ẹmwẹ nii yi. (Itan 17:14) Adeghẹ u khian kpa, ọ ma khẹke ne u ya ẹzọ ru ẹre, ne ọmwa nii miehe na danmwehọ ruẹ vbe ẹdẹ ọvbehe.—1 Pit 2:12.