Na Gha Muegbe Yotọ Na Mieke Na Sẹtin Gha Ye Ifuẹro Ma Ọmwa Emwi

Ọ sẹ igba eva ne emwa do nọ Jesu inọta vbekpae arrọọ ọghe etẹbitẹ, sokpan ewanniẹ nọ rhie nẹ edọmwadọghẹ keghi guaero ighẹ emwi ne iran hoo ne iran rẹn otọre. (Luk 10:25-28; 18:18-20) Rhunmwuda ọni, agharhemiẹn wẹẹ ima rẹn ebe ne ima gu ọmwa ruẹ ẹsẹsẹmwẹse, ọ khẹke ne ima ye muegbe ẹre yotọ vbene ima na mwẹ ọmwa ne ima gu ruẹ emwi vbe ekhọe. De emwi eso nọ gha lọghọ ẹre nọ rẹn otọre ra nọ gha miẹn yi? De ako ọghe evbagbẹn nọhuanrẹn na sunnu yi na gha tie ma rẹn? Inu okhuẹn ẹre ọ khẹke na ruẹ vbe uhukpa? Ima sẹtin muegbe ẹre yotọ erre na gha zẹ, vbene a gha ya rhan otọ emwi hẹ ra inọta ughughan ne ima gha nọ re, nọ mieke na rẹn otọ emwi na ruẹ. Deba ọni, ugbẹnvbe a miẹn wẹẹ Jehova ẹre ọ yae waan ighẹ ikpẹ ọghe ẹmwata ne ima kọ ye ekhọe ọghe emwa, ọ khẹke ne ima nọ e Jehova vbe erhunmwu nọ fiangbe ẹrhiọn ne ima loo ya muegbe yotọ, kevbe nọ fiangbe emwa ne ima gu ruẹ emwi kevbe ẹrhiọn ne ima loo ya ru iyobọ ne iran ya gha mwẹ alaghodaro vbe odẹ ọghe orhiọn.—1 Kọr. 3:6; Jems 1:5.