Yee Amwẹ E Lọt Rre

Vbọsiẹ ne amwẹ e Lọt na ghee iyeke vbe ẹghẹ ne iran ya lẹẹ hin e Sodọm rre? E Baibol ma tama ima. (Gẹn 19:17, 26) Ẹmwẹ ne Jesu ghaa guan kaẹn, ọ ke wẹẹ na yee amwẹ e lọt rre ya ima rẹn wẹẹ, ọ gha kẹ, emwi ewe ne ọvbokhan e Lọt sẹrae vbe Sodọm ẹre ọ yae ghee iyeke. (Luk 17:31, 32) Vbọ khian ru iyobọ ne ima, ne ima ghẹ do yevbe amwẹ e Lọt nọ mu asikẹgbe nọ gu Osanobua mwẹ fua? Ọ ma khẹke ne iwinna emwi ewe na khu khian gha re emwi nọ ghi ru ekpataki sẹ vbe arrọọ ọghe ima. (Mat 6:33) Jesu gi ima rẹn wẹẹ, ma “i sẹtin ga Osanobua ga igho.” (Mat 6:24) Sokpan de emwi ne ima khian ru deghẹ ima na bẹghe ẹre wẹẹ, iwinna emwi ewe na khu khian ẹre ọ ghi wa mu ima sẹrriọ wẹẹ, ma i ghi miẹn ẹghẹ ya ru ọghe orhiọn? Ma sẹtin na erhunmwu gie Jehova nọ rhie ẹwaẹn ne ima, ne ima ya rẹn ako nọ khẹke ne ima winna yan, ma ghi vbe rinmwiaẹn nọ rhie udinmwẹ kevbe ẹrhiọn ne ima ya ru vberriọ.

VBENE U NA MWẸ ỌNRẸN VBE EKHỌE IGHẸ VIDIO NỌ MWẸ ABỌ EHA NỌ MWẸ UHUNMWUTA NỌ KHARE WẸẸ, YEE AMWẸ E LỌT RRE, RHIE EWANNIẸN YE AVBE INỌTA NA:

• 

  De vbene iziro ọghe Gloria, ẹmwẹ nọ ta kevbe emwi nọ ru ghi ya fiwerriẹ hẹ, rhunmwuda ne emwa na gha kpikpi ẹre nọ khuan igho sayọ?

• De vbene okha ọghe ọvbokhan e Lot ya re igiemwi ọghe ayabọsekhae ne ima vbe ẹdẹnẹrẹ?

• De ere ne Joe vbe ẹgbẹe ọre miẹn rhunmwuda ne iran na ya avbe ilele ọghe Baibol ru emwi?

• Vbọ ghi sunu dae Anna vbe odẹ ọghe orhiọn, rhunmwuda emwa nọ ghaa gu muobọ vbe isiwinna?

• Vbọsiẹ ne ọ na khẹke ne ima gha mwẹ udinmwẹ vbe emwa ghaa kpikpi ima, ne ima mu iwinna igho na khuan ye okaro vbe arrọọ ọghe ima?

• De vbene Brian vbe Gloria ghi ya werriegbe suẹn gha mu emwi orhiọn ye okaro vbe arrọọ ọghe iran?

• De ilele eso nọ rre uwu e Baibol ne uwẹ miẹn ruẹ vbe vidio na?