Ghẹ Ya Egbe Ba Emwa Rhunmwuda Ighẹ Iran Bun

23:1-3

E Jehova keghi ya obọ sekhae ne emwa ni do gha sẹ osẹe vbe a ghaa bu ẹzọ, ne iran ghẹ sẹ osẹe ohoghe rhunmwuda ighẹ iran hoo ne iran ya egbe ba emwa nibun. Ọ na vbe ya obọ sekhae ne avbe ọbuohiẹn, ne iran ghẹ rhunmwuda emwa nibun bu ohiẹn eku. Ọ wa ye mwẹ ako eso vbe arrọọ ọghe ima, nọ ma na khẹke ne ima ya egbe ba emwa ru emwi dan rhunmwuda ighẹ iran bun. Emwa ni rre agbọn Esu na, keghi kpikpi Ivbiotu e Kristi ne iran gha yin vbene iran yin.—Rom 12:2.

Vbọzẹe nọ ma na khẹke ne ima ya egbe ba emwa rhunmwuda ighẹ iran bun

• vbe ima gha họn iyẹn nẹi mwẹ ẹzi kevbe ọta wẹwẹwẹ?

• vbe ima ghaa ru azẹ nọ dekaẹn aro ukpọn ne ima yọ, eto ne ima mu ye uhunmwu ra odẹ ne ima ya rọkhọ egbe?

• vbe nọ dekaẹn obọ ne ima ya mu emwa ni ke ẹvbo ọvbehe rre, ivbiogue kevbe ọdafẹn?