Te Ima Rhie Ahoẹmwọmwa Ma Vbe Ima Gha Ku Obọ Gbe Ba E Jehova Vbe Ọ Gha Gbe Ọmwa Hin Ọkhọ Rre

A gha kan ọmwa fua vbe iko, ọ keghi gbogba ga etẹn ni rre uwu iko, te a vbe yae gbe ọmwa nọ ru orukhọ nọ ma fi werriẹ hin ọkhọ rre. (1 Kọr 5:6, 11) Te ima rhie ahoẹmwọmwa ma vbe ima gha ku obọ gbe ba e Jehova vbe ọ gha gbe ọmwa hin ọkhọ rre. Vbe ima gu kha vberriọ, ugbẹnvbe a miẹn wẹẹ, a gha kan ọmwa fua vbe iko, ọ keghi si obalọ gie emwa nibun uhiẹn ya sẹ egbe ẹgbẹe ọre kevbe agbaziro ọghe ediọn ni bu ohiẹn?

Te ima yae rhiẹre ma wẹẹ, ma i zẹdẹ hoo ne ọmwa rhọkpa rhie ozan gie Jehova, kevbe wẹẹ, ma ya aro nọ ghaan ghee ilele nọ gbae ọghe Jehova. (1 Pit 1:14-16) Ọ ghi vbe rhiema wẹẹ ima hoẹmwẹ ọmwa na kan fua nii. Ẹmwata nọ wẹẹ, a gha kan ọmwa fua vbe iko, ọ keghi da ọmwa sẹ ugboloko, sokpan, ọ keghi biẹ ọmọ esi. (Hib 12:5, 6, 11) Ma ghaa gu emwa na kan fua vbe iko kevbe emwa ni tobọ iran kpa hin otu ọghe Jehova rre mu obọ, ọ rhiema wẹẹ ima ma ku obọ gbe ba emwamwa ọghe Jehova. Ọ khẹke ne ima gha yerre wẹẹ, e Jehova gha gbe ọmwa hin ọkhọ rre, te ọ “ru ẹre vbene ọ ke yi.” (Jer 30:11) Ma yaro yọ wẹẹ, ọmwa na kan fua vbuwe iko gha werriegbe do gha ga e Jehova, sokpan, te ọ khẹke ne ima ye gha ku obọ gbe ba emwamwa ọghe Jehova, ma ghi vbe ya ekhọe hia rhiegba ye ugamwẹ ọghẹe.—Aiz 1:16-18; 55:7.

GHEE VIDIO NỌ MWẸ UHUNMWUTA NỌ KHARE WẸẸ YA EKHỌE HIA KU OBỌ GBE BA EMWAMWA ỌGHE JEHOVA, VBE IYEKE ỌNI, A GHI ZẸ EWANNIẸN YE AVBE INỌTA NA:

• 

  Ọmọ gha sẹ e Jehova rae, de obalọ nọ si gie evbibiẹ ọre?

• 

  De vbene ima gha ya sẹtin ru iyobọ ne ẹgbẹe ọghe ọmwa na kan fua vbe iko?

• 

  De okha nọ rre Baibol nọ ya ima rẹn wẹẹ, ọ khẹke ne ima gi ẹkoata ne ima mwẹ dae Jehova wegbe sẹ ne ima mwẹ daa emwa ima vbuwe ẹgbẹe?

• 

  Vbe ima khian ya rhiẹre ma wẹẹ, ẹkoata ne ima mwẹ dae Jehova ẹre ọ wegbe sẹ ne ima mwẹ dae emwa ima vbuwe ẹgbẹe?