EMWI EWE NI RRE UWU ẸMWẸ ỌGHE OSANOBUA

E Jehova Gha Sẹtin Ru Iyobọ Nuẹn Ya Ru Iwinna Nọ Lọghọ Na Rhirhi Waa Ruẹ Re

Iwinna ne kpataki ẹre Ivbi e Livai ni ghaa gbaroghe onurho ọghe Ọgua Osa ghaa ru (1 Krọ 9:26, 27; w05 10/1 9 ¶8—mwbr23.01)

E Finihaz ẹre ọ ghaa re ọkaolotu ọghe iran ni gbaroghe onurho ọghe ibọkpọ ọghe ugamwẹ vbe ẹghẹ ọghe Mozis (1 Krọ 9:17-20a)

E Jehova keghi ru iyobọ ne Finihaz ya ru iwinna na mu ye ọre obọ (1 Krọ 9:20b; w11 9/15 32 ¶7—mwbr23.01)

Avbe Efoto: 1. Ọtẹn nokhuo nọ re igbama gha fi imọto nọkhua ọkpa, na loo vbe a ghaa bọ owa. 2. Ọdọ vbe amwẹ ọkpa ni khian eniwanrẹn nẹ gha ya efoni kporhu. 3. Ọdọ vbe amwẹ ọkpa gha kporhu vbe eke na na gualọ iyobọ etẹn.

E Jehova vbe waa ima iwinna ne kpataki nibun vbe ẹdẹnẹrẹ. Deghẹ u na gha roro ẹre wẹẹ, u i khian sẹtin ru iwinna na waa ruẹ re, na erhunmwu gie Jehova, u ghi vbe nọ iyobọ vbe obọ ọtẹn ọvbehe nọ mwẹ amuẹtinyan nọ wegbe.—Fil 2:13.