Aro Ne Jehova Ya Ghee Ruẹ Ẹre Ọ Khẹke Ne U Ya Gha Ghee Egbuẹ

“E Jehova sọyẹnmwẹ ye ẹmwẹ emwa rẹn.” (Psm 149:4) Agharhemiẹn wẹẹ emwa ni ma gba ẹre ima khin, ọ bẹghe uyinmwẹ esi ọghe ima, ọ vbe rẹn emwi ne ima gha sẹtin ru. Ugbẹnso, ma i rherhe bẹghe uyinmwẹ esi ne ima mwẹ. Ma sẹtin kue gha roro ẹre wẹẹ ima i mwẹ esa ne ima ye, rhunmwuda obọ ne emwa ya mu ima. Ma sẹtin gha gbawawẹ deghẹ e Jehova gele hoẹmwẹ ima, rhunmwuda abakuru ne ima ru vbe ẹghẹ nọ gberra. Ọ ghaa yerriọ, de emwi eso ni gha ru iyobọ ne ima?

Yerre wẹẹ, e Jehova bẹghe emwi ne emwa nagbọn i bẹghe. (1 Sam 16:7) Ọni rhie ma wẹẹ, e Jehova rẹn ima sẹ vbene ima rẹn egbe ima. E Baibol ru iyobọ ne ima ya rẹn vbene Jehova ghee ima hẹ. Ma gha sẹtin rẹn vbene Jehova ghee ima hẹ, deghẹ ima na gha tie avbe okha ni rre Baibol, ni guan kaẹn ahoẹmwọmwa nọ wegbe ne Jehova mwẹ ne eguọmwadia ẹre.

GHEE VIDIO NỌ MWẸ UHUNMWUTA NỌ KHARE WẸẸ, GI EKHỌE RUẸ GELE RẸN WẸẸ OSANOBUA HOẸMWẸ RUẸ, IYEKE ỌNI, A GHI ZẸ EWANNIẸN YE AVBE INỌTA NA:

• De emwi ne igiemwi ọghe ọmọ nọ rhie ulẹ osuan kevbe erhae ma ima re vbekpa aro ne Jehova ya ghee ima?

  Your answer

• Deghẹ ọmwa nọ ru orukhọ nọ wegbe na ru emwi hia nọ khẹke nọ ru nọ mieke na werriegbe sikẹ e Jehova, de vbene ọ khian ya rẹn wẹẹ e Jehova miẹn irẹn yi nẹ?—1 Jọn 3:19, 20

  Your answer

• De ere ne ọtẹn na lae miẹn, vbe ọ ghi ziro yan igiemwi ọghe Devid kevbe Jehosiafat?

  Your answer