UYINMWẸ ỌGHE IMA NE IVBIOTU E KRISTI

Gha Mwẹ Ahoẹmwọmwa Nẹi Beghe Daa Emwa Vbe Na Ghee Jehova

E Jehova ọre ọmwa nọ ghi mwẹ ahoẹmwọmwa nẹi beghe daa emwa sẹ. (Psm 103:11) Ahoẹmwọmwa ne Jehova mwẹ ne emwa i wa re ọghe ovbi ẹghẹ kherhe. Ọmwa ghaa mwẹ ahoẹmwọmwa nẹi beghe ne ọmwa ọvbehe, ọ ghi rhikhan mu ọmwa nii ya sẹ ufomwẹ. Odẹ nibun ẹre Jehova ya rhie ẹre ma wẹẹ irẹn mwẹ ahoẹmwọmwa nẹi beghe ne Ivbi Izrẹl ne emwa rẹn. Ọ keghi fan iran vbe imu vbe otọ Igipt, ọ na vbe viọ iran la Otọ Na Ru Eyan Rẹn. (Psm 105:42-44) Ọ kegha gbinna ne emwa rẹn, ọ na vbe gha yabọ iran vbe iran gha ru orukhọ. (Psm 107:19, 20) Deghẹ ima na gha muẹn roro, odẹ ughughan ne Jehova he ya rhie ẹre ma wẹẹ irẹn mwẹ “ahoẹmwọmwa nẹi beghe,” ọ ghi ya ima gha hoo ne ima ya egbe taa re.—Psm 107:43.

Avbe Efoto: Avbe efoto na ya ru igiemwi ọghe emwi nọ ladian vbe vidio nọ mwẹ uhunmwuta nọ khare wẹẹ, “Gha Muẹn Roro Ighẹ Odẹ Ughughan Ne Jehova He Ya Rhiẹre Ma Wẹẹ Irẹn Mwẹ ‘Ahoẹmwọmwa Nẹi Beghe.’” 1. Ọtẹn Nokpia Capra kevbe ọtẹn nokpia ọvbehe mu otuẹ gie ọtẹn nokhuo ọkpa vbe owa. 2. Ọtẹn Nokpia Capra kevbe etẹn nikpia ọvbehe rre eghan, ọ rhie evbare ne ọtẹn nokpia ọvbehe nọ khuọnmwi nọ lovbiẹ ye ebẹd.

GHEE VIDIO NỌ MWẸ UHUNMWUTA NỌ KHARE WẸẸ, GHA MUẸN RORO IGHẸ ODẸ UGHUGHAN NE JEHOVA HE YA RHIẸRE MA WẸẸ IRẸN MWẸ “AHOẸMWỌMWA NẸI BEGHE,” IYEKE ỌNI, A GHI ZẸ EWANNIẸN YE AVBE INỌTA NA:

De odẹ eso ne ima khian ya rhie ẹre ma wẹẹ ima mwẹ ahoẹmwọmwa nẹi beghe?

Your answer
Vbọzẹ nọ na khẹke ne ima sẹ emwi eso ni te yẹẹ ima rae, ne ima mieke na sẹtin gha mwẹ ahoẹmwọmwa nẹi beghe daa emwa?

Your answer