Vbene Avbe Ako Ni Rre Adesẹneva Ipapa Ọghe Baibol Gha Ya Ru Iyobọ Ne Ima

Avbe ako ni rre adesẹneva ipapa vbe New World Translation of the Holy Scriptures keghi rhie ẹre ma wẹẹ, emwi hia ni rre uwu e Baibol wa gua egbe ro, ọ gi ima rẹn vbene ako eso ya rhilo ginna ako ọvbehe hẹ. Adeghẹ u hoo ne u miẹn avbe ako na ni rre adesẹneva ipapa ọghe Baibol, hia ne u gualọ avbe abidi ra enọmba ne giẹrẹ na gbẹnnẹ lele ako eso vbe Baibol. Vbe Baibol na print ladian, u ghi gualọ abidi ra enọmba ne giẹrẹ na gbẹn lele ako ne u tie, u ghi ya gualọ ọre vbe adesẹneva ipapa ẹre. Vbe jw.org ra JW Library® app, u ghi ya obọ kaẹn avbe abidi ra enọmba nii, ne ẹmwẹ nọ rre uwu ẹre mieke na ladian.

Avbe ako ni rre adesẹneva ipapa ọghe Baibol gha sẹtin rhie ruẹ gha rrie avbe ako nii rre ototọ mwa kevbe avbe ako ọvbehe:

Avbe Ako Ni Rhilo Ginna Egbe: Avbe ako e Baibol ughughan ni guan kaẹn emwi ọkpa. Vbe igiemwi, ya ghee ebe 2 Samuẹl 24:1 kevbe ebe 1 Krọnikol 21:1.

Eke Na Ke Mu Ẹmwẹ: Avbe ako na keghi rhie ẹre ma eke na ke mu ẹmwẹ na loo ro vbe ako ọvbehe. Vbe igiemwi, ya ghee ebe Matiu 4:4 kevbe ebe Diuteronomi 8:3.

Vbene ẹmwẹ akhasẹ ya sẹ: Avbe ako ni rhan otọ vbene ẹmwẹ akhasẹ ni rre ako ọvbehe ya sẹ hẹ. Vbe igiemwi, ya ghee ebe Matiu 21:5 kevbe ebe Zẹkaraia 9:9.