Emwi Nọ Gha Ya Ima Gha Ghọghọ Vbe Ẹghẹ Nọ Wegbe​—De Emwi Ne Baibol Tae?

Vbe ẹghẹ nọ wegbe ne ima ye na, evba ma ro a ma kọ wa sunu daa ima. Vbọrhirhighayehẹ, aro ne ima ya ghee emwi ẹre ọ mobọ ya ima ghọghọ, ẹ i wa re emwi nọ sunu daa ima. E Baibol khare wẹẹ, “te emwa ni ghọghọ wa rri orhiẹnrhiẹn agbọn vbe ẹghẹ hia,” agharhemiẹn wẹẹ iran miẹn ọlọghọmwa. (Itan 15:​15, Good News Translation) De emwi ne ima gha ru ne ima mieke na gha ghọghọ vbe ẹghẹ hia? Gi ima guan kaẹn adia eso ni rre Baibol ni gha sẹtin ru iyobọ nuẹn.

Ghẹ gha si osi gbe

E Baibol khare wẹẹ: “Osi sẹtin gbe ọmwa orhiọn mu otọ, sokpan, ẹmwẹ nọ maan keghi fu ẹko rre.”​—Itan 12:25.

• E Baibol gha sẹtin ru iyobọ nuẹn, ne u ghẹ mieke na gha si osi gbe. U ghaa hoo ne u rẹn vbene ọ khian ya ru iyobọ nuẹn hẹ, ya tie uhunmwuta na, “What the Bible Says About Anxiety.”

Gha gu emwa ru ọse

E Baibol khare wẹẹ: “Ọse ọghe ẹmwata keghi rhie ahoẹmwọmwa ma vbe ẹghẹ hia, ọtẹn nọ gha sẹtin ru iyobọ ne ọmwa vbe ẹghẹ ne emwi ya lọghọ ọmwa ẹre nọ.”​—Itan 17:17.

• Emwi nọ rre uwu e Baibol gha sẹtin ru iyobọ nuẹn ya gha mwẹ avbe ọse ni maan, ọna gha ru iyobọ nuẹn, ne u ghẹ gha roro ẹre wẹẹ, wẹ ọkpa ẹre ọ rrọọ. Ya tie uhunmwuta na, “Gha Gu Emwa Ru Ọse Ne U Ghẹ Mieke Na Gha Rre Uwu Ohioro​—Vbene Baibol Gha Ya Sẹtin Ru Iyobọ Nuẹn.”

Hoẹmwẹ Osanobua kevbe ogieva ruẹ

E Baibol khare wẹẹ: “Te u gha ya otọ ẹko ruẹ hia, arrọọ ruẹ hia kevbe ekhọe ruẹ hia hoẹmwẹ e Jehova ne Osanobua ruẹ. . . . Te u gha hoẹmwẹ ogieva ruẹ zẹvbe ne u hoẹmwẹ egbuẹ.”a​—Matiu 22:​37-39.

• Deghẹ ima na gha na erhunmwu, ọ gha ya ahoẹmwọmwa ne ima mwẹ ne Osanobua wegbe sayọ. U ghaa hoo ne u rẹn emwi ni bun vbekpa ọna, ya tie uhunmwuta na, “Does God Hear Our Prayers?”

• Ma ghaa ya obọ ne Jesu we ne ima ya gha mu emwa mu iran, ọ gha rhie ẹre ma wẹẹ ima hoẹmwẹ iran. Deghẹ u hoo ne u rẹn sayọ, ya tie uhunmwuta na, “What Is the Golden Rule?”

U ghaa hoo ne u rẹn emwi ni bun vbekpa vbene Baibol gha ya sẹtin ru iyobọ nuẹn ya gha ghọghọ, vbe ẹghẹ nọ wegbe ne ima ye na, ma rhie igiọdu nuẹn ne u kie ẹkpotọ yọ, ne ima do gha gu ruẹ ruẹ Baibol vbe ọghe ọhẹ.