De Vbene Ima Khian Ya Danmwehọ Osanobua Hẹ?

E Baibol ẹre Osanobua loo ya gu ima guan. 2 Timoti 3:16

Osa ọghe ẹmwata keghi dia ikpia eso ya gbẹnnẹ iziro ọghẹe ye ebe ọkpa nọhuanrẹn. Ebe nii ọre Baibol. Igiuhunmwu ne kpataki wa rre uwu ẹre, ne Osanobua hoo ne u rẹn vbekpa re.

Osanobua ẹre ọ rẹn emwi nọ gha maan ne ima, irẹn ẹre ọ vbe re Ẹzi ọghe ẹwaẹn hia fẹẹrẹ. Adeghẹ u na gha danmwehọ re, u ghi do gha re ọmwa nọ gele mwẹ ẹwaẹn.—Itan 1:5.

Osanobua hoo ne emwa hia ni rre uhunmwu otagbọn na gha tie Baibol. U gha vbe miẹn ọnrẹn tie vbe urhuẹvbo nibun.

Adeghẹ u hoo ne u danmwehọ Osanobua, u ghi gha tie Baibol, u ghi vbe rẹn otọ emwi ne u tie.

Emwa ni rre ehe ughughan keghi ruẹ e Baibol. Matiu 28:19

Avbe Osẹe Jehova gha sẹtin ru iyobọ nuẹ ya rẹn otọ emwi ni rre uwu e Baibol.

Iran keghi maa emwa ẹmwata vbekpa Osanobua vbe uhunmwu otagbọn hia.

U i khian hae osa rhọkpa vbe iran ghaa maa ruẹ emwi. U gha sẹtin vbe ruẹ vbekpa Osanobua vbe Ọgua Arriọba ọghe Avbe Osẹe Jehova nọ rre ẹdogbo ruẹ.