E+/taseffski/via Getty Images (Stock photo. Posed by model.)
WA GHA BODẸ!
Vbene Avbe Igbama Ni Bun Ghi Ya Roro Emwi Ghi Wa Mwẹ Vbene Ọ Ye Hẹ—De Emwi Ne Baibol Tae?
Vbe ẹdẹ Monday, February 13, 2023, Centers for Disease Control and Prevention (CDC) nọ rre United States keghi guan kaẹn vbene avbe igbama ni rre U.S. ghi ya roro emwi hẹ. Iran khare wẹẹ, a gha ghae emọ ni rre owebe ye ihe iyisẹn, iyeva vbọ i ghọghọ hiehie, ẹghẹ hia ẹre iran vbe ya roro ẹre wẹẹ, emwi i khian maan ne iran.
Dr. Kathleen Ethier, nọ rre olaga ọghe CDC Division of Adolescent and School Health (DASH), keghi kha wẹẹ: “Ma wa miẹn afiwerriẹ nọ kakabọ wa rhiegbe ma vbe odẹ ne avbe igbama ya roro emwi hẹ, ke ukpo 10 nọ gberra gha dee. Sokpan, vbe ẹghẹ na, odẹ ne avbe emọ ikhuo ni re igbama ghi ya roro emwi ẹre ọ ghi wa khọọ sẹ, iran ni bun keghi roro ẹre wẹẹ, iran wa gbe egbe iran rua, ẹre ọ maan sẹ.”
Iyẹn nii vbe kha wẹẹ:
A gha viọ emọ ikhuo igbe ni re igbama ladian, ọ gberra ọkpa na he mu yagha. Dr. Ethier keghi kha wẹẹ: “Te ọna wa kpa ọmwa odin, rhunmwuda, vbe uwu emọ ikhuo igbe ni re igbama ne u rẹnrẹn, a mu ọkpa vbe uwu iran yagha nẹ, ọ sẹtin kue gberra vberriọ.”
A gha ghae emọ ikhuo ni re igbama ye ihe eha, obọ ọkpa vbọ keghi roro ẹre wẹẹ, iran wa gbe egbe iran rua ẹre ọ maan sẹ.
A gha ghae emo ikhuo ni re igbama ye ihe isẹn, obọ eha vbọ i zẹdẹ ghọghọ, ẹghẹ hia ẹre iran vbe ya roro ẹre wẹẹ, agbọn i khian maan iran.
Avbe iyẹn na i zẹdẹ ya ẹko rhiẹnrhiẹn ọmwa. Ẹghẹ na ya ghọghọ kevbe na ya sọyẹnmwẹ ẹre ẹghẹ igbama te khin. De emwi nọ gha sẹtin ru iyobọ ne avbe igbama vbe uwu avbe ọlọghọmwa ne iran la gberra vbe ẹdẹnẹrẹ? De emwi ne Baibol khare?
Emwi nọ gha ru iyobọ ne avbe igbama wa rre uwu e Baibol
E Baibol wa gie vbene emwi khian gha ye hẹ, vbe ẹghẹ ne ima ye na. Ọ wẹẹ: “te emwi hia khian gha lọghọ.” (2 Timoti 3:1-5) Sokpan, ẹmwẹ ibude ni bun wa rre uwu e Baibol, nọ wa ru iyobọ ne avbe igbama ni rre ehe ughughan vbe uhunmwu otagbọn, ne iran mieke na sẹtin zin egbe avbe ọlọghọmwa ne iran ye. Ghee avbe uhunmwuta na.
Emwi nọ gha ru iyobọ ne avbe igbama ni roro ẹre wẹẹ, iran wa gbe egbe iran rua ẹre ọ maan sẹ
Emwi nọ gha ru iyobọ ne avbe igbama ni rre uwu ohioro kevbe ne iro han rẹn
From Sad to Glad (e vidio ọghe katun na vinnọ ye ebọdi)
Emwi nọ gha ru iyobọ ne avbe igbama ne emwa kpokpo ghee mwẹ ghee ruẹ kevbe vbe intanẹt
Gbe Ọmwa Nọ Zẹ Ọmwa Gbe Vbene U I Na Fi Ẹre Ekpa (e vidio ọghe katun na vinnọ ye ebọdi)
Emwi nọ gha ru iyobọ ne avbe igbama deghẹ emwa na gha ya ẹmwẹ emwi ọdọ vbe amwẹ kpokpo iran ra deghẹ a na mu iran yagha
Emwi nọ gha ru iyobọ ne evbibiẹ emọ rre uwu e Baibol
E Baibol keghi rhie adia ne evbibiẹ emọ, adia na gha sẹtin ru iyobọ ne iran ya ma ivbi iran vbene a ya zin egbe ọlọghọmwa hẹ. U sẹtin tie avbe uhunmwuta na ni guan kaẹn emwi nọ rre uwu e Baibol.