Nzáá á ŋga kan’yè ŋkoŋ á si?

MBELEE BIBÈL

‘Ŋkoŋ á śi asè á lè á si nguu Ŋsohoo.’​—1 Jean 5:19.

‘Moon Olôlômè á so . . . ányuú li tjèhè li mison mi Ŋsohoo.’​—1 Jean 3:8, Traduction du monde nouveau.

WOWOO ŊSÈŊ NÁŊ A ŊGA SOLÁ WA

Bileglé bi tèè á ndutu ŋkoŋ á si.​—Révélation 12:12.

La njom wút li-duɓè nè, ŋkoŋ á si á mɓèèŋ ag kè li-ɓè.​—1 Jean 2:17.

ƁÁÁ BI LÈ NÈ ƁA DUƁÈ KOO YÉ BIBÈL È ŊGA LAGAA ÉÉ?

Oo, ányuú puh èsè, njom ŋháá:

• Olôlômè á kánè eɓembè yé Satan. Yéhôva á sèm nè ag ɓémbe lisúk á eɓembè yé Satan á byèè á lôô li ɓôt bi binam. A kakanè li yaanè li . . . Ŋsohoo yèmèè la li tétèè li yé èsè ŋ̀yɔ̀n á loo.​—Hébreux 2:14, Traduction du monde nouveau.

• Olôlômè á pohoo Yésu Kristô á li kanʼyè li ŋkoŋ á si. Yésu á lè ŋveŋhánè á mám misè la mɓembè ŋkoŋ á si nyi lèn; nyo ah byèè ɓé ŋgoo, ndi ag diŋ ja ŋyèmèn. Olôlômè á kakanè nè, á tèl yèè yé káisa, ‘Yésu ag kè li ɓèlá li ngoo a nyúú ɓôt bi ŋga yèè ŋguu, ndi big konhan ki ŋgoo: Ag kè ɓo li kopoo á mivihá la á minèmban.’​—Psaume 72:13, 14.

• Olôlômè á ŋga la ɓé li ɓaŋ li minaa. Bibèl èg lagaa nèŋ nèŋ nè: ‘Naŋ a ŋga la ɓe li ɓoŋɓè nè Olôlômè a ɓaŋ minaa.’ (Hébreux 6:18) Etjeg Yéhôva á kakanè jam, è lè oo ngèn lá ɓoŋɓèè! (Isaïe 55:10, 11) ‘Ŋkanʼyè nyu ŋkoŋ á si ag kè li-lééɓèè ápuu.’​—Jean 12:31.