Yéé è lèè Bibèl?

MBELEE BIBÈL

‘Bitjiile bisè big solé la mbúl Olôlômè.’​—2 Timothée 3:16, Traduction du monde nouveau.

WOWOO ŊSÈŊ NÁŊ A ŊGA SOLÁ WA

Mbelee è nga tii mivag nyi mbihii tjèŋ eniŋ.​—Proverbes 2:1-5.

Ngéélé mbaki ányuú eniŋ olo sig.​—Psaume 119:105.

Taaŋ lipitá ányuú ŋsolanè (eniŋ è nga kè li so).​—Romains 15:4.

ƁÁÁ BI LÈ NÈ ƁA DUƁÈ KOO YÉ BIBÈL È ŊGA LAGAA ÉÉ?

Oo, ányuú puh èsè, njom ŋháá:

• Bibèl è ngá tèŋganè ɓé yo mèn. Ya tjiiɓè jam kaa okôô vi mimbú la biɓôgôô bisamaa (1 600) la múminaa (40) mi ɓôt. Ngandag á té wáɓá è ngi yilán ɓé yo lá yo. Tonáŋ, Bibèl è nga tèŋganè ɓé yo mèn, è biyèè ki ŋmú á ŋkwèl wá!

• Mimáŋ mèè mi lè mbalè. Ɓamaŋáá bi nkoŋ á si big soo pol étjeg bikômbô byaɓá byá ɓômɓè. Á ŋveŋhanè, ɓa tjii Bibèl ɓá maŋáa ávuha waɓá la nyú á lilômè jaɓá.​—2 Chroniques 36:15, 16; Psaume 51:1-4.

• Baŋ yèè è lè mbaki. Biɓôgôô bi mimbú biɓa (200) osú vi etjeg, Bibèl ya lègèè nè tison kwaŋ nè Babilôn è ngi nyèè li tjèɓèè. (Isaïe 13:17-22) Yu yèlèè nèlá tison è ngi nyèè li nyoŋɓèè la jôô li ŋ̀kètèè yo!​—Isaïe 45:1-3.

  Bibèl è byèè ŋgandag baŋ tám nyi yá yál nè tèèla á mitoti. Ndi ɓáá ah náŋ ɓe nè bi nga lankene kalati è nga lagaa nè è lè ebaŋgá Olôlômè éé?​—2 Pierre 1:21.