Yéé è lèè odiɓa vi misotá mi mbiya?

MBELEE BIBÈL

‘Misotá la ɓá bi ŋga amble eɓaŋgá yé Olôlômè ndi big ɓoŋle ki yo!’​—Luc 11:28, Traduction du monde nouveau.

WOWOO ŊSÈŊ NÁŊ A ŊGA SOLÁ WA

Taaŋ ediŋ.​—Éphésiens 5:28, 29.

Adit á mbalè.​—Éphésiens 5:33.

Taaŋ lisolɓéné.​—Marc 10:6-9.

ƁÁÁ BI LÈ NÈ ƁA DUƁÈ KOO YÉ BIBÈL È ŊGA LAGAA ÉÉ?

Oo, ányuú puh èsè, njom eɓaa:

• Olôlômè nè á ɓôt ŋmbiya. Bibèl èg lagaa nè ‘jôô li ŋmbiya sig . . . lig solé’ la Yéhôva Lôô. (Éphésiens 3:14, 15) Naŋ á lè nè, ŋmbiya á lè ányuú nè Yéhôva á veg wo. Ányuú yé è lè nsèŋ li yi naŋ?

  A kaa ovega: ki ya ɓènè o lè li monoo li eloŋgo lidi, ndi o byèè ki kôô li yi a kaa ɓá lám jo, ŋzáá o ŋgo bihi éé? O koo nè o bát mut á lám jo.

  Nlemlem, á li ɓoŋ nè o yi ŋzáá á lèè Ŋôŋgè eniŋ ŋmbiya misotá, è lè mɓèèŋ nè o bihi Yéhôva, mɓôt ŋmbiya.​—Genèse 2:18-24.

• Olôlômè ag táthán la wa. Mimbiya mi byèè ŋsèŋ á li sômôô li ŋgéélé Yéhôva á ŋga tii áté á eɓaŋgá yèè. Ányuú yé? ‘Ányuú nè ag kôt wa.’ (1 Pierre 5:6, 7) Yéhôva ag sômle wa mɓèŋ​​—ŋgéélé yèè èsè ki èg sola ŋtômbanè bitjeg bi sè!​—Proverbes 3:5, 6; Isaïe 48:17, 18.