A’ ye fɛnw bɛɛ la kolomaw bila nyɛfɛ
1 Fɛn koloma damadɔw jumɛn wajibiyalen bɛ an ka nɛɛma kama, alako ta fan fɛ? Aw ka da’ la ko nin fɛnw bɛ sɔrɔ u la: yɛrɛ kalan, lajɛw matarafali, timinandiya delili la, jɛɲɔgɔnya saniyalenw ani Krecɛnyako cidenyabaara. An tɛ se ka to galabu kɛnɛya la, Ala sira kan, n’an tɛ fɛn kolomaw bila nyɛfɛ an ka ɲɛnamaya kɔnɔ.
2 O bɛɛ n’a ta, an bɛɛ ka kan ka baari ta an farisogo negew fɛ, ani an mago bɛ yɛrɛ minɛli la. (Gal. 5:17.) Abada, an man kan k’a miiri k’an bɛ tɔnɔ sɔrɔ an kɛtɔ ka tugu an yɛrɛ nafakow nɔfɛ. (Jer.17:9.) O la sa, n’an b’a fɛ k’an dusukun kɔlɔsi, ani k’an tanga lafilikow ma, a nafaba de b’an kan ka to k’an yɛrɛ sɛgɛsɛgɛ tuma caman na.—Nta.4:23; 2 Kor.13:5.
3 A’ y’aw yɛrɛw dusukun sɛgɛsɛgɛ: Aw bɛ se ka o waleya aw kɛtɔ ka kɔnɔnajɛya ɲininkali damadɔw kɛ aw yɛrɛw la: Yala Ala ka kuma kalan negeba bɛ ne la wa? (1 Pi.2:2.) Nafa min bɛ jɛkulu ka lajɛw bɛɛ la, yala ne b’o dɔn wa? (Heb.10:24,25.) Yala ne bɛ n’timinandiya delili la wa? (Rɔm.12:12.) Alakamiiriko basigilen bɛ mɔgɔ minnu na, yala ne bɛ olu ka jɛnyɔgɔnya ɲini wa? (Rɔm.1:11,12.) Wajibi min bɛ ne kan ka kibaru duman fɔ, yala ne bɛ miiri o la wa? (1 Kor.9:16.) Sɔnsira jaabiw n’a jira k’a nege b’aw la ka fɛnw bɛɛ la kolomaw bila nyɛfɛ.
4 A’ y’aw ka don o don baara sɛgɛsɛgɛ: Aw mago b’a la ka tugu aw dusukun negelaw sɛgɛsɛgɛli aw kɛtɔ ka jɔyɔrɔ fɔlɔ kow latigɛ aw ka waati jatesigi kɔnɔ. Min ka kan ka ye o la, o ye waati bolodali ye walisa ka Bibulu kalan sɔn, ani ka La Tour de garde ni Réveillez-vous! bɔko kelen-kelen bɛɛ kalan, ka fara lajɛw labɛnni kan. Waati ka labila fana walisa denbaya ka kalan ani delili fila bɛɛ kɛ ɲɔgɔn fɛ. Aw bɛ waati min kɛ jabaranin walima ɔrdinatɛri lajɛ la, aw ka dan sigi o la. A’ y’a latigɛ ka jɛkulu ka lajɛw bɛɛ matarafa, ka fɛn tɔw bɛɛ kolabɛn u da fɛ. A’ y’a latigɛ aw ka denbaya bɛɛ ye a k’a niyɔrɔ kɛ foro baara la dɔgɔkun o dɔgɔkun.
5 Siga si t’a la, n’an ye fɛnw bɛɛ la kolomaw bila nyɛfɛ an ka nyɛnamaya kɔnɔ, a na jira k’o ye nisɔndiya sababu ye.