An ka fɛnw bɛɛ kɛ walisa an ni tɔw ka kɛ niyɔrɔtaɲɔgɔnw ye
1 “Fɛɛrɛ de don min ka kan ka lamin, katuguni a nafa ka bon kosɛbɛ.” Nin ye nisɔndiya kuma caman dɔ la kelen ye min ɲɛsinnen don Laaj gafenin sɛgɛsɛgɛli ma wɔlɔfɔkan na, gafe kalan hukumu kɔnɔ, Senegali. O cogo kelen na, mɔgɔ caman y’u ka nisɔndiya fɔ Wajibiya gafenin ko la, o min bɛ mafilɛ gafe kalanw na, Bamakɔ Bamanankan jɛkulu kɔnɔ ani gafe kalan wɛrew la bamanankan na.(Neh. 8: 8,9,12). Nisɔndiya kuma wɛrɛw fɔra bamanankan jɛmu kɛlen kɔfɛ, o min tun ɲɛsinna Yesu ka saya hakilijigin don tɛmɛnen ma. Ɔwɔ, dantigɛliw ɲuman na, nin bamanankan fɛɛrɛ tigɛlenw ye koduman caman lase balimaw ni sigida mɔgɔw ma: senkolayali bamanankan kalanni na, ala-ka-mara ko daɲɛw dɔnni, Bibulu kalandenw cayali bamanankan na, jama cayali lajɛw matarafali la jɛkulu dɔw kɔnɔ tuma minnu na kalanw kɛra bamanankan na.-1 Tim. 4: 13; Kɛw. 13: 15,42,43.
2 An dusu kisɛyalen nin dusu lamin baaranɔw fɛ, an ka kan ka kuntilennaw jumɛn da an yɛrɛw ye? Kɔsa in na, a ɲinina an fɛ an ka kan wɛrɛ dege (Zuwɛn 1997 Ministère du Royaume, a ɲɛ 1 kɔnɔ); Ka fara o kan, Jehowa ka tɔn b’an wele walisa ka kɛ cidenw ye an bara (a’ye san 1997 Zuwɛnkalo tile 15 Tour de Garde mafilɛ, a nyɛw 2-4). Yali, o tɛ cogo ɲuman ye an bolo wa, walisa k’o weleli laminɛ? Ka da a kan, an bɛ bamanankan fɔ ani ka’ kalan kosɛbɛ wala dɔnni ani an delilen don foro la. A dɔ rɔ, an ka miiri la, bamanankan na waajuli koɲuman se t’an nyɛ, nka Jehowa ka dɛmɛ n’a ka duba barika la, ka fara an yɛrɛw ka maganw kan, an bɛ se k’an jigi da senkolayali kan.-Ɛk. 4: 10,12; Zab. 126: 5,6.
3 An k’a latigɛ ka Pol ladege: A ka cidenyabaara la, Pol tun labɛnnen don ka “fɛnw bɛɛ kɛ kibaru duman kosɔn, walisa a ka jɛɲɔgɔnya sɔrɔ a la” (1 Kor. 9: 23). An b’an gɛlɛya k’o de kɛ bamanankan foro la. A dɔ rɔ, an ye sanga dɔ sɔrɔ ni Wajibiya gafenin ye ka fara bamanankan Bibulu kan. Yala an ka daɲɛkalan yiriwara fo ka mɔgɔw fɛ baro nɔgɔya an bolo wa? Yala an ye Bibulu kalan kuraw daminɛ wa, k’a masɔrɔ an senkolayara segin-ka-bɔnyew la? Sigida foro la, yala mɔgɔw ka miiriw ye miiri ɲumanw ye wa ka ɲɛsin ɲɛnamaya cikan ma? O tuma la, siga t’a la ko, an bɛ nisɔndiyaba sɔrɔ an ka cidenyabaara la, wa o kɔmasegin na, an b’a fɛ k’an jɛɲɔgɔn Krecɛnw dɛmɛ walisa k’a lakisɛya u ta la.-2 Tim. 2: 15; Nta. 27: 17.
4 Fɛɛrɛ minnu tara don kɛrɛnkɛrɛnnen lajɛba ko la, o min bɛna kɛ Bamakɔ, sibiridon, Ɔkutɔburukalo tile 26, olu na nafaba lase bamanankanmɛnnaw ma. Kalan bolodasira bɛɛ bɛna kɛ bamanankan na, a dan ma yɔrɔ la, lajɛba kɛnɛ kan. Minnu bɛ faransikan mɛn kosɛbɛ, olu n’a sugandi ka ye faransikan na kalanw jama la. Nka, faransikan faamuyali ka gɛlɛn minnu ma, bamanankan na kalanw b’a to u ka nafa sɔrɔ kalan na. An kana tamaki k’an ka kalandenw wele o lajɛba la, wa an k’u dɛmɛ fana n’an dusukun bɛɛ ye.
5 Nin fɛɛrɛw bɛɛ bɛ bamanankan foro yiriwali hami de jira. Betɛl b’a fɛ k’an dɛmɛ ni fɛɛrɛ wɛrɛ nataw ye walisa ka baara dunba kɛ o foro la min ma sɛnɛ ka se a dan na fɔlɔ.- Nta. 24: 6.
6 Jehowa hami ye k’a ka baarakɛlaw yɛrɛlatɛmɛlenw labalo ani alalandiw minnu ma lajɛ fɔlɔ. An ka baara bɛ nyɛtaa sɔrɔ n’an b’a kɛ ni gafew ye minnu sɛbɛnnen don mɔgɔw bakan na. An labɛnnen ka kɛ walisa ka ‘fɛnw bɛɛ kɛ kibaru duman kosɔn,’ k’an to kodumanbaw nyɛnafilɛli la.-2 Kor. 9:6b.