Zanwuyekalo Baara Ka Lajɛw

Zanwuyekalo tile 5nan dɔgɔkun

Dɔnkili 10

Sanga 8: Ladɔnniyaliw. Ladɔnniyali sugandilenw ka bɔ An ka Masaya Cidenyabaara kɔnɔ.

Sanga 17: “An ka diya sɔrɔ seereya dafalen dili la.” Jama fɛ baro. I ka jirali ɲɛlen mankutu kolomaw bɔ kɛnɛ kan: 1) Ka foli kɛ ni nisɔndiya ye, 2) k’i dantigɛ wala ka ɲininkali dɔ lawuli kɔsana ko dɔ kan, 3) ka Bibulu sigida bɛnnen dɔ kofɔ ani 4) ka mago sɔrɔlen kunsin gafe jirata ma. Weleweledala senkola dɔ ka ɲɛjirali kɛ jirali kofɔlen kan ani a nɔ fɛ segin-ka-bɔnye kan.

Sanga 20: An k’an yɛrɛw labɛn kabini sisan walisa ka Ala ka sariya labato, sariya min ɲɛsinnen don joli ma. Sɛbɛn minnu tɔgɔw ye “Instructions médicales/Pas de sang” ye, ani Tɔn ka sɛbɛn min tɔgɔ ye “Instructions médicales et procuration relative aux soins médicaux” ye, nafa min bɛ u lafali la, maakɔrɔ senkola dɔ bɛ kuma o kan. Zaburu 19:8nan kɔnɔ kuma fyɛlenw b’a jira ko ci fɔlen Kɛwalew 15:28nan ani 29nan na, k’o ye Ala ka sariya dafalen ɲɛfɔli ye ka ɲɛsin joli ma. A batobaga kantigiw b’u gɛlɛya k’a labato. Sɛbɛn ninnu bɛ an sagonata banbannen de jira ka ɲɛsin joli ma, wa u bɛ kuma an nɔ na n’an dɛsɛra o la tuma min na (A’ ye Ntalenw 22:3 lajɛ). Karati kura b’a to ɲɛfɔli kɔsana ka jira ka ɲɛsin an ban kun ma joli la. Lajɛ bannen kɔ, Seere batiselen minnu b’a kanu, karati kura na di u ma, ani denmisɛnnin batisebaliw bɛ minnu bolo, Karadante na di u ma den kelen-kelen bɛɛ tɔgɔ la. U kana lafa o yɔrɔnin bɛɛ la. O baara ka kɛ ni ɲemajɔ ye so kɔnɔ, ka tila ka bolo nɔ bila a la. Karati tigi bolo nɔ ani a dilan don na sigi karatiw bɛɛ kan walisa gafe kalan nata bannen kɔfɛ, kalan ɲɛminɛbaga k’a lajɛ ni bolo nɔ sigira karatiw bɛɛ kan ka ɲɛ. O b’a to dɛmɛ ka lase mɔgɔw bɛɛ ma ka kɛɲɛ n’u mago ye, mɔgɔ minnu b’a fɛ ka kɛnɛya kun kan cikan in labato.Lajɛ ka baara min bɛ da o kan, o senfɛ, gafe kalan ɲɛminɛbagaw wala maakɔrɔw ka mɔgɔw bɛɛ dɛmɛ minnu ma se ka taa gafe kalan yɔrɔ la k’a sɔrɔ a ka di u ye ka karati lafa ani k’u bolo nɔ bila a la; a ka to ka kɛ o cogo la fo weleweledala batiselenw bɛɛ k’u ka karati lafa ani k’u bolo nɔ sigi a kan ka ɲɛ. (A’ ye san 1996 Desanburukalo tile 16nan bataki lajɛ ko kura). N’u b’a fɛ, weleweledala batisebaliw bɛ se k’u tɔgɔla cikanw sɛbɛn u yɛrɛ n’u denw ye u kɛtɔ ka karati kɔnɔ kuma bɛn u cogoya n’u yɛrɛw ka dannayaw ma. Sɛbɛn min tɔgɔ ko “Instructions médicales et procuration relative aux soins médicaux” ye, ale walawalalen don, wa a bɛ mago ɲɛ tuma bɛɛ; komi a b’i sɛmɛ jamana sariya kan, a bonyalen bɛ dɔgɔtɔrɔw ni kiritigɛlaw fɛ. (Sɛbɛnfura min tɔgɔ ko “Renseignements concernant le document ‘Instructions médicales et procuration relative aux soins médicaux’ [“Acte combiné”], i ka o lajɛ n’o bɛ mago ɲɛ.) Walisa ka sariya ka lakanani bɛɛ la fisaman sɔrɔ, sɛbɛn fila ninnu dafali komagɛlɛyalen don. Karati min tɔgɔ ko “Instructions médicales/Pas de sang” ɲɛfɛla la, aw ka nin sɛbɛn aw bolo la: “Ne ye sɛbɛn fana labɛn min bɛ wele ‘Instructions médicales et procuration relative aux soins médicaux’.”Aw k’a fɔ jama ye k’a ka na ni gafenin ye min tɔgɔ ko Un livre pour tous ye, dɔgɔkun nata lajɛ la.

Dɔnkili 142 ani kuncɛli delili

Zanwuyekalo tile 12nan dɔgɔkun

Dɔnkili 125

Sanga 10: Ladɔnniyaliw. Jatew dantigɛli.

Sanga 15: “Un livre pour tous gafenin kura koloma yɔrɔw. Kun minnu b’a to Bibulu ka kan ka sɛgɛsɛgɛ, masala kɛ ni jama ye olu kan. Nin gafenin dilanna walisa ka dɛmɛ don mɔgɔw ma, a dɔ rɔ minnu kalannen don ka ɲɛ, k’a sɔrɔ u tɛ bɛrɛ dɔn Bibulu kan. A t’a ɲini k’a bila u kun na ko Bibulu fyɛra Ala fɛ; a b’a to kow ka kuma u yɛrɛ ma. An ka kan k’a kalan ani ka tɔw ladɔnniya a la, kɛrɛnkɛrɛnnenya la an ni minnu bɛ kalan kɛ ɲɔgɔn fɛ.

Sanga 20: “Jehowa bɛ sebagaya di min bɛ dama tɛmɛ.” Ɲininkaliw ni jaabiw. (A’ ye w90 15/7 ɲ. 19 § 15-16 lajɛ.) Jehowa ye barika don u la cogo min na, a ka ɲini dɔw fɛ u ka dusu lamin ko dɔw lakali o kan.

Dɔnkili 81 ani kuncɛli delili.

Zanwuyekalo tile 19nan dɔgɔkun

Dɔnkili 1

Sanga 10: Ladɔnniyaliw.

Sanga 15: Jɛkulu magow.

Sanga 20: Denbaya ka kalan min bɛ na ni nisɔndiya ye. Balimakɛ dɔ n’a muso bɛ kuma u ka denbaya magow kan, alako ta fan fɛ. Diɲɛ bɛ ka min kɛ u denw na, komi u bɛ hami n’o ye, u y’a faamu ko wajibi bɛ u ye k’u denw ka limaniya kologɛlɛya. Nka u sɔnna a ma ko denbaya ka kalan ma kɛ ka tugu ɲɔgɔn na, wa tuma caman na, a ma mago ɲɛ. Komagɛlɛyali minnu ɲɛsinnen don denbaya ka kalan nafama ɲɛminɛ cogo ma, n’u tun ɲɛfɔra san 1997 Utikalo tile fɔlɔ La Tour de Garde kɔnɔ, a ɲ. 26-9nan na, olu fila seginna k’u lajɛ ɲɔgɔn fɛ. U fila bɛɛ y’a latigɛ ka ko bɛɛ kɛ walisa k’u denw ka nɛɛma lakana, alako ta fan fɛ.

Dɔnkili 146 ani kuncɛli delili.

Zanwuyekalo tile 26nan dɔgɔkun

Dɔnkili 187

Sanga 12: Ladɔnniyaliw. Gafe minnu bɛna jira Feburuyekalo la, i ka kuma olu kan. I ka hakilina kelen wala fila fɔ minnu b’a to Création gafe ka se ka jira.

Sanga 15: “An ka Jehowa ka bato kɛyɔrɔ bonya.” Masala in bɛ kɛ ni ɲininkaliw ni jaabiw ye maakɔrɔ dɔ fɛ, min b’a kɔnɔ kumaw ɲɛsin jɛkulu ma ni ɲumanya ye.

Sanga 18: An niyɔrɔ dantigɛli, diɲɛ mumɛ kɔnɔ seereya baara la. (Ka bɔ Notre ministère gafe kɔnɔ, a ɲ. 101-2 ani 106-10 na.) Jɛmu ni masala don min bɛ di sɛbɛnnikɛla fɛ. A kɛlen kɔ k’a jira ko an ka baara dantigɛli tuma bɛɛ jujɔlen bɛ Bibulu kan, a b’a ɲini cidenyabaara maganna fila fɛ, u ka kuma kalan tilayɔrɔ kan min tɔgɔ ko “La raison d’être des rapports”. O kɔ, nafa min b’a la ka dantigɛlisɛbɛn pereperelatigɛlenw di joona, sɛbɛnnikɛla bɛ o tintin. A bɛ daliluw fɔ, dalilu minnu b’a to a ka ɲi mɔgɔ ka kuntilenna da a yɛrɛ ye. Minnu b’u seko bɛɛ kɛ cidenyabaara la, olu bɛ duba minnu sɔrɔ o la, a bɛ masala kuncɛ n’o dusu lamin kumaw ye.

Dɔnkili 189 ani kuncɛli delili.