Sɛtanburukalo Baara Ka Lajɛw

Sɛtanburukalo tile 7nan dɔgɔkun

Dɔnkili 28

Sanga 10: Sigida ladɔnniyaliw. Ladɔnniyali latɔmɔlenw ka bɔ An ka Masaya Cidenyabaara kɔnɔ. I ka segin “Hakilinata” yɔrɔ kan.

Sanga 15: “An bɛ se ka baaraw kɛ minnu ka bon.” Ɲininkaliw ni jaabiw. I ka dusu lamin kɛ walisa bɛɛ ka kuntilenna hakɛmaw da i yɛrɛ ye san kura baara kama ani bɛɛ ka baara kɛ kosɛbɛ walisa k’u timɛ.​—Notre Ministère lajɛ, a ɲɛ 116-118nan na.

Sanga 20: “Tutigɛbagaw bɛ tɔw dɛmɛ.” Maakɔrɔ dɔ b’a ɲɛfɔ ko ka fara kalan kan min bɛ di Ala-ka-marako Cidenyabaara Kalan senfɛ, mabɛnw kɛra ni tutigɛbagaw ye walisa u ka tɔw bɛɛ kelen-kelen dɛmɛ cidenyabaara la. A bɛ ɲininkaliw lawuli barokun kan ani k’a ɲini jama fɛ a k’u jaabi, kɛrɛnkɛrɛnnenya la ka bɔ tutigɛbagaw yɔrɔ ani weleweledalaw yɔrɔ minnu sen bɛ bolodasira la. Nafa bɛ sɔrɔ a la cogo min na, i k’o jateminɛ. Tutigɛbagaw bɛ se k’a fɔ cogo min na u nisɔndiyalen don ani cogo min na u sen donni tɔw dɛmɛni na, o tɔnɔ b’u kan. Weleweledala dɛmɛtaw bɛ se k’a fɔ cogo min na nin kanubaganciya fɛɛrɛ in diyara u ye ka se hakɛ min na, ani u k’u da se yɔrɔw ma minnu y’u dɛmɛ ka taɲɛba ni nisɔndiya sɔrɔ cidenyabaara la.

Dɔnkili 172 ani kuncɛli delili.

Sɛtanburukalo tile 14nan dɔgɔkun

Dɔnkili 160

Sanga 10: Sigida ladɔnniyaliw. Jatew dantigɛli.

Sanga 15: Ala bɛ mun wajibiya an ma? Jɛmukan. An bɛ nin gafenin kalan daminɛ dɔgɔkun nata la gafe kalan na. I ka dusu lamin kɛ walisa bɛɛ ka kɔn k’i labɛn ani ka kɛ kalan kelen-kelen bɛɛ kɛnɛ kan walisa ka se ka gafenin dɔn kosɛbɛ ani k’a dɔn cogo min na an bɛ se ka mɔgɔ wɛrɛw kalan a la. I ka dakun kalan min bɛ sɔrɔ “I bɛ se ka baara kɛ ni nin kitabunin ye cogo di?” jukɔrɔ. San 1997 Zanwuyekalo tile 15 La Tour de Garde, a ɲɛ 16-17nan barokun kɛ ka i sinsi gafenin kɔnɔ ɲininkaliw ni tɛmɛsiraw ni jaw nafa kan mɔgɔ kalanni na. Gafe kalan ɲɛminɛbagaw ka kan ka kɛ ɲɛjirabaga ɲumanw ye balimaw ma minnu bɛ sokɔnɔ Bibulu kalanw ɲɛminɛ. O kama, u man kan ka kuma kojugu wala ka kuma wɛrɛ don kalan sen kɔrɔ.​—I ka san 1996 Zuwɛnkalo Le Ministère du Royaume lajɛ, a ɲɛ 3nan, dakun 5nan.

Sanga 20: Aw ye mun baara kɛ salon? Sɛbɛnnikɛla ni baara lakɔlɔsibaga bɛ jɛkulu ka baara dantigɛlisɛbɛn sɛgɛsɛgɛ ka fara jama hakɛ kan min tun bɛ lajɛw kɛnɛ kan salon. U bɛ u da se dantigɛlisɛbɛn ɲɛ ɲumanw ma ani k’u sinsi yɔrɔw kan yɛlɛma ka kan ka don minnu na ɲɛli sira fɛ. Mɔgɔ kɛmɛ o kɛmɛ la, yali 100 sen yera cidenyabaara la Utikalo kɔnɔna na wa? Maakɔrɔw bɛna u sinsi kuntilenna minnu kan kalo nataw la, u bɛ olu ɲɛfɔ ka fara dɛmɛ kan, dɛmɛ min ka kan ni bɛɛ ye walisa u ka kɛ weleweledala basigilenw ye. U ka kafo lakɔlɔsibaga ka kunnafonisɛbɛn laban yɔrɔ bɛnnen dɔw tila ni jama ye.

Dɔnkili 144 ani kuncɛli delili.

Sɛtanburukalo tile 21nan dɔgɔkun

Dɔnkili 122

Sanga 10: Sigida ladɔnniyaliw. Ala-ka-marako Kibaruyaw.

Sanga 15: Sigida magow.

Sanga 20: “A’ y’aw gɛlɛya k’aw balimaw dɔn.” Ɲininkaliw ni jaabiw. I ka san 1988 Ɔkutɔburukalo tile fɔlɔ La Tour de Garde kɔrɔfɔkanw fara a kan, a ɲɛ 10-11nan na. I ka dusu lamin kɛ walisa bɛɛ kelen-kelen k’a bɔ a yɛrɛ la ka tɔw dɔn ka ɲɛ.

Dɔnkili 34 ani kuncɛli delili.

Sɛtanburukalo tile 28nan dɔgɔkun

Dɔnkili 17

Sanga 12: Sigida ladɔnniyaliw. I ka weleweledalaw hakili jigin u ka Sɛtanburukalo baara dantigɛlisɛbɛn di. I ka bɛɛ dusu lamin u ka dabaliw tigɛ ka baara caman kɛ du-ni-du Ɔkutɔburukalo la walisa caman ka fara sɔn-ni-sɔn gafeninw jɛnsɛnni kan. I bɛ hakilinaw sɔrɔ kibaru duman jiracogo kan san 1996 Ɔkutɔburukalo Le Ministère du Royaume kɔnɔ, a ɲɛ 8nan na. I ka ɲɛjirali kɛ sɛbɛn jirataw kan ni sɔn-ni-sɔn gafenin kura bɔlenw ye VOIR KM-F ani ka bolomafara mabɛn kofɔ dutigi ye. Weleweledalaw ka sɔn-ni-sɔn gafeninw ta dɔgɔkunlaban baara kama.

Sanga 20: “Lakɔlɔsibagaw bɛ ɲɛmɔgɔya ta​—Baara lakɔlɔsibaga.” Baara lakɔlɔsibaga ka jɛmukan don. A kɛlen kɔ ka segin a jɔyɔrɔ kan, jɛkulu bɛ se ka jɛ-ka-baara kɛ a danma sira minnu fɛ walisa ka sigida la cidenyabaara dancɛw labonya ka fara baara kɛko ɲuman kan, a b’o ɲɛfɔ.

Sanga 13: Mun ka kan walisa ka kɛ Jɛkulu ka Weleweledala Ɲuman ye? Jɛmukan don, nka jama bɛ se k’a da don a la waati ni waati. Tɛgɛlandiyaba wala senkolayaba wajibiyalen tɛ; o nɔ na, min kanunen don kosɛbɛ, o ye ko an bɛɛ ka kɛ ni diyanye cogoya ye min bɛ kanuya ni majiginnenya ni cɛsiri ni waleɲumandɔn jira. Jama ɲininka a k’a fɔ mun na nin kow kanulen don: (1) nisɔndiya hakili, (2) ka kɛ lajɛw kɛnɛ kan sɔn ani k’i ni don u la, (3) ka sɔn ciw la ni diyanye ye ani k’u dafa, (4) ka jɛ-ka-baara kɛ ni maakɔrɔw ni jɛkulu ye a ka mabɛnw na, (5) k’i mago don tɔw dɛmɛni na ni kɔnɔnajɛya ye, ani (6) k’i sen don foro kɔnɔ baara la sɔn ani ka dantigɛlisɛbɛn dilan joona kalo o kalo.

Dɔnkili 25 ani kuncɛli delili.