Sɛtanburukalo Baara Ka Lajɛw

Sɛtanburukalo tile 6nan dɔgɔkun

Dɔnkili 190

Sanga 10: Ladɔnniyaliw ka ɲɛsin sigida ma. Ladɔnniyali latɔmɔlenw ka bɔ An ka Masaya Cidenyabaara kɔnɔ.

Sanga 17: “Yali i bɛ baara kɛ ni kuntilenna ye wa?” I ka dantigɛli kumaw kana sanga kelen bɔ. O kɔ, i ka tɛmɛ ni ɲininkaliw ni jaabiw baro ye. I ka Notre Ministère gafe ka hakilina dɔw far’a kan, ka bɔ a ɲɛ 89-90 na. I ka bɛɛ dusu lamin, u ka kɛ mɔgɔ basigilenw ye ani baarasɛbɛkɛlaw ye cidenyabaara kɔnɔ.

Sanga 18: “Bangebagaw​—A’ ye kɛ misali ɲuman ye aw denw bolo.” Maakɔrɔ dɔ bɛ dantigɛli surun kɛ, o kɔ, balimakɛ fila minnu ye denfaw ye, olu bɛ masala barokun kan. U b’u denw tanga jogo juguw ma cogo min na, u b’o fɔ, jogo jugu minnu bɛ ye kalansow la, telewisɔn na, mɔgɔ wɛrɛw la, ani somɔgɔw la minnu tɛ Seerew ye. Balimakɛw bɛ bonyabaliya kɛcogow jateminɛ, ani diɲɛ mɔgɔw kuma cogo ani u fɛɛrɔbɔ cogo, ani ɲɛnajɛ nɔgɔlenw. Fɛn min ye ka kɛ misali ɲuman ye, u b’u hakili jakabɔ o kan. O kɔ, bɛɛ bɛ se ka nisɔndiyaba sɛnɛ sira minnu fɛ, denbaya ka kalan ni jɛkulu ka lajɛw ni forobaara ta fan fɛ, u bɛ kuma o kan.​—San 1999 Zuluyekalo tile fɔlɔ La Tour de garde ɲ. 8-22nan ani san 1991 Sɛtanburukalo tile 22 Réveillez-vous! lajɛ, ɲ. 8-9.

Dɔnkili 101 ani kuncɛli delili.

Sɛtanburukalo tile 13nan dɔgɔkun

Dɔnkili 171

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: An ye mun kɛ salon? Baara lakɔlɔsibaga ka jɛmukan don. I ka segin jɛkulu ka san 1999 baara dantigɛli yɔrɔ kolomaw kan. I ka foliw di jɛkulu ma baara ɲuman kɛlen na. Yɔrɔ minnu ka kan ka baara ka ɲɛ, i k’olu jira. Jɛkulu ye min kɛ lajɛw matarafali la ani Bibulu kalanw ɲɛminɛni ta fan fɛ, i k’i sinsi o kan. I ka san nata kuntilenna waleyataw fɔ.

Sanga 20: “I bɛna mun fɔ Ɛndu ye?” Ɲininkalwi ni jaabiw. Nafa min b’a la ka bɛnyɔrɔ sɔrɔ an ni mɔgɔ cɛ, i k’o sankɔrɔta. Bɛn bɛ se ka ye an ni Ɛndu cɛ yɔrɔ minnu na, i k’olu jira. Dantigɛli kuma minnu dira, i k’a jira ko yɛlɛma bɛ se ka don u la, k’u bɛn diinɛ sifa bɛɛ mɔgɔw ma. I ka ɲɛjirali kelen kɛ, a labɛnnen ka ɲɛ ka ɲɛsin Ɛndu ma. N’i b’a fɛ ka kunnafoni wɛrɛw sɔrɔ Ɛndu diinɛ kan, i ka Raisonner gafe ɲɛ 22, ani L’humanité à la recherche de Dieu masalakun 5nan lajɛ.

Dɔnkili 140 ani kuncɛli delili.

Sɛtanburukalo tile 20nan dɔgɔkun

Dɔnkili 193

Sanga 12: Ladɔnniyaliw ka ɲɛsin sigida ma ani waajuli kɔnɔ kow.

Sanga 15: Sigida magow.

Sanga 18: An ka baara ɲuman kɛ ni Créateur gafe ye. Jɛmu ni ɲɛjiraliw. San 1999 Awirilikalo ka An ka Masaya Cidenyabaara y’a ɲɛfɔ ko Créateur gafe bɛ se ka jira tuma o tuma n’an ni mɔgɔ dɔ bɛnna min dalen tɛ Ala la, o ye fɔlɔ ye, filanan, mɔgɔ min dalen bɛ Ala la, nka a t’a dɔn, walima a t’a ka mankutuw n’a kuntilennaw dɔn. Ɲininkali minnu bɛ mɔgɔ bila miirili la, ani gafe kɔkan ɲɛ ɲɛfɔli bɛ se ka gafe kalan nege don mɔgɔw la. Walima, baara ɲuman bɛ se ka kɛ ni gafe ɲɛ 152nan ye. Weleweledala bɛ se k’a fɔ ko: “An kɔnɔnafililen bɛ kunkow minnu fɛ, an bɛ se ka laadilikan fisamaw sɔrɔ min, walasa k’u ɲɛnabɔcogo jira an na?” Mɔgɔ dɔnnenbaw ye Yesu ka kulukan waajuli tanu cogo min na, a bɛ se k’o jira a lamɛnbaga la. O kɔ, min diyara a ye kosɛbɛ yɔrɔ koloma wolonwula la minnu bɛ yen, a k’a ɲini a fɛ a k’a ɲɛnata u la, ka tila ka tɛmɛsira kofɔlen dɔw kalan. I ka ɲɛjirali kɛ ni nin hakilina fila ninnu ye Créateur gafe jiralicogo kan. I ka dusu don bɛɛ la walasa u ka Créateur gafe ta u bolo k’u to forobaara la, walasa u labɛnnen ka sɔrɔ tuma bɛɛ k’a kofɔ waati bɛnnen na.

Dɔnkili 175 ani kuncɛli delili.

Sɛtanburukalo tile 27nan dɔgɔkun

Dɔnkili 141

Sanga 15: Ladɔnniyaliw ka ɲɛsin sigida ma. Weleweledalaw hakili jigin u k’u ka Sɛtanburukalo baara dantigɛli sɛbɛnw di. I ka dusu don bɛɛ la u k’a boloda k’u seko kɛ sɔn-ni-sɔn gafeninw tila-tilali la Ɔkutɔburukalo la. I ka segin hakilinaw kan minnu bɔra san 1996 Ɔkutɔburukalo ka Ministère du Royaume kɔnɔ, a ɲɛ 8nan na; a bɛ kuma dantigɛli kɛcogow kan. I ka sɔn-ni-sɔn gafeninin kura bɔlenw ta, ka yɔrɔ nafama dɔw jira, ka ɲɛjirali kelen walima fila kɛ ni dantigɛli kuma surunw ye.

Sanga 15: Ɲininkaliw jaabi. Maakɔrɔ dɔ ka jɛmukan don.

Sanga 15: “Bato lakika bɛ ka jɛnsɛn Erɔpu kɔrɔn yanfan jamanaw na.” Maakɔrɔ dɔ bɛ ɲininkali ni jaabi baro ɲɛminɛ. Baara kɛ ni kɔsanna Annuaire gafe dɔw ye, ani san 1999 Zanwuyekalo tile fɔlɔ La Tour de Garde ye, a ɲɛw 12-15 la walasa ka waajuli kɔnɔ kow ni fɛrɛtɛw fɔ minnu bɛ yiriwali jira o jamana kofɔlenw na.

Dɔnkili 87 ani kuncɛli delili.