Ɲininkaliw Jaabi

◼ Yali i labɛnnen bɛ bana balalen kama wa?

An bɛ diɲɛ min na sisan, “waatiw ni ko balalenw” bɛ jɛ tuma caman na ka bana balalen lase mɔgɔ ma; digili minnu bɛ kɛ mɔgɔ kan walasa a ka sɔn fari la jolidon ma, o sen b’a la. (Waaj. 9:11, NW) Walasa an ka se k’an labɛn o ko ɲɔgɔnna kama, Jehowa ye dɛmɛ di an ma cogo caman na a ka jamakulu kolabɛnnen sababu la, nka a sigilen bɛ n’a ye an yɛrɛw k’an niyɔrɔ kɛ. Fɛn kɛtaw filɛ duguma.

• Instructions Médicales/ Pas de sang karati kɔsana ka ye i kun tuma bɛɛ.

• I ka jɛy’a la k’i denw ka “Document d’idendité médical” kɔsana b’u kun.

• I ka san 1992 Sɛtanburukalo Ministère du Royaume ka farankan lajɛ ko kura; e ni dɔgɔtɔrɔw ni kiritigɛlaw bɛ se ka hakilijakabɔ kɛ denmisɛnw furakɛcogo kan cogo min na, i k’i dege o la.

• Kunnafoni minnu bɔra joli kɔnɔfɛnw kan (fractions de sang), ani joli nɔnabilaw kan, i k’olu lajɛ ko kura. (Kɛrɛnkɛrɛnnenya la: La Tour de Garde, san 1994 Ɔkutɔburukalo tile fɔlɔ ta, ɲ. 31; san 1990 Zuwɛnkalo tile fɔlɔ ta, ɲ. 30-31; san 1989 Marisikalo tile fɔlɔ ta, ɲ. 30-31; Réveillez-vous!, san 1994 Desanburukalo tile 8 ta, ɲ. 23-27; san 1993 Utikalo tile 8 ta, ɲ. 22-25; san 1991 Nowanburukalo tile 22 ta, ɲ. 10; ani Ministère du Royaume ka farankanw, san 1992 Sɛtanburukalo ta, ani san 1990 Nowanburukalo ta. I k’u mara i bolo kɔrɔ sɛbɛn dɔ kɔnɔ.)

• Joli bɛ boli mansin min na ka bɔ farikolo la ka tila ka segin, i k’a latigɛ i dusukun na n’i bɛ se ka jɛn ni o ye, walima n’i bɛ se ka sɔn furaw la minnu dilannen don ni joli kɔnɔfɛnw ye. (N’i ye “Instructions médicales et procuration relative aux soins médicaux” sɛbɛn lafa​—hakilimaya ko don​—i bɛn’a ye ko yɔrɔ dɔ labilala i ye walasa i k’i yɛrɛ ɲɛna furakɛcogo sugandilen fɔ.)

• Sanni i ka taa lɔpitani na, i k’i seko bɛɛ kɛ k’a fɔ maakɔrɔw ye walasa u ka se k’i dɛmɛ, ka Lɔpitani Soonadonni Jɛkulu (LSJ) (Comité de liaison hospitalière, CLH) ladɔnniya, n’o wajibiyalen don. Ni denmisɛn don, i k’a ɲini maakɔrɔw fɛ, u ka LSJ ladɔnniya o la joona.

I k’a jira k’a jɛya k’i tɛ sɔn joli la: Kunnafoni dɔw y’a jira ko balimakɛw ni balimamuso dɔw b’u sigi fo waati laban na ka sɔrɔ k’a fɔ u ka dɔgɔtɔrɔ ye k’u tɛ joli fɛ. O tɛ dɔgɔtɔrɔw minɛcogo bɛnnen ye, ani o b’i bila farati la, n’o ye ka joli k’i la. Ni dɔgɔtɔrɔw b’i fɛkow ni diyanyekow dɔn, i b’a fɛ kow ka kɛ cogo min na, n’i y’o sɛbɛn k’i bolonɔ bila a la, o na u dɛmɛ ka baara kɛ teliya la; o bɛ cogo di u ma fana ka ɲɛsin furakɛli jolintanw ma.

Ikomi bana balalen bɛ se ka mɔgɔ sɔrɔ waati o waati, i ka kan ka sigi n’a ye tuma bɛɛ, ka fɛɛrɛw ta kabini sisan k’e n’i denw tanga fari la jolidon ma.​—Nta. 16:20; 22:3.