Kɛ́ɖɛ́ì Ðeín-Sí-Nyɔ̀ɛ̀ Mìɔùn Xwáɖáún-Zà-Zà

1. Se-póɛ-ɖé Jɛ̀-hó-và Gèɖè-pɔ́ɔ̀

Mɔ̀ ɖɛ séín Mɛɛ-nyɔ̀ jèɛɛ,

Ɔ mɔ̀ Nyɔ kɔ̃̀ ɓóɖó-kpàɔ̀ kè dyɔɔ̀

Ɓɛ́ ɔ mìɔùn mɛ ma kɛ.

Ɔ mɔ̀ nyɔ nyí fɔ̀ɔ̀-ɖɛ̀ séín fɛ̀ɛ̀,

Ké ɔ tɛ̀mɛ̀ìn wa séín dyi

Kà ɔ kpa ɖɛ ɓɛ́ wa ké ɔ ɓaìn,

Ɔ ɖòùn-ɖóùn ɖé nyɔ mɛ ɓiè.

2. Jɛ̀-hó-và Dyú-gààɔ̀ kpá ma níɔ

Ɓo dyí-sɛ́ɖɛ́ìn-ɖɛ̀ nyu jè.

Ɔ cɛ̃ɛ ɔ Ɓǎ gbo, ké ɔ ɖá,

‘Ní mu nì mɔ́ɔ́-ɖɛ̀ nyuùn.’

Ti ɔ sɔ̀ ma Jɔ́-ní-nìɔ̀ gboɛɛ

Gèɖè-pɔ́ɔ̀ zùùɔ̀ gã ma ɔ.

Ɓó Gèɖè-pɔ́ɔ̀ wuɖu nyu jèɛɛ, ɔ ɓaà ma,

‘Ḿ Ɓǎ, nì mɔ́ɔ́-ɖɛ̀ mɛ nì.’

3. À nyànà ɓó m̀ dyúa, Jɛ̀-hó-và,

Ɓɛ́ à ké nì nyɛ́nɛ́ɔ̀ ɓàìn.

À ɖǎ à hwòɖǒɛ̀-mɔ́ɔ́-ɖɛ̀ dyí táà,

Ké à zà à fɛ̀ɛ̀ɔ̀ xwáɖáún.

M̀ tò ma nì Dyú-gàà dyúá-ɖòɔ̀,

Ɓɛ́ ɔ ké à nììn dɔ̃.

Ɔ jèɛɛ, à se à mìɔùn kɔ̃̀ ɖe fɔɔ,

Ké à mu m̀ bìì cĩ́ìn tee.