“Hwìèɔ̀ Kɛà Kɛ̀”

1. Hwìè ɖò nì ɓóɛɛ mɔ̀ gìɖìi,

Mɔ̀ hwìè à ɖà dyí dyuòɛ.

Ɔ mɔ̀ hwìè sùà nì ma,

Ɓɛ́ à cɛ̃́ ma jè kɛ.

Ɔ mɔ̀ hwìè Jí-zɛ̀ tɛ̀mɛ̀ìn ma,

Ɓɛ́ à wɔ̃́ ma kɛ.

Hwìè nìà kɛ mɔ̀ gìɖìi hwìè

Sɔ̀àìn ɖé Jɛ-ho-va gboɛ.

2. Ðɛ̀ɓɛ̀ìn-ɖɛ̀ɓɛ̀ìn hwìè ɖò nì ɓó.

Ɓèìn ɖá ɓè ké dyi gmɔ̀ìn.

Geɖe-pɔɔ ɖà a hwìèɔ̀ tɛ̀mɛ̀ìn,

Ké ɔ zà ɔ mìɔùn da.

Ɔ ɖɛ̀ɓɛ̀ìn-ɖɛ̀ɓɛ̀ìnɔ̀ zi wɔ̃ kɔ̃,

Ké ɔ se kɛɛ ɖò ɓéɖé.

Ðɛ̀ɓɛ̀ìn-ɖɛ̀ɓɛ̀ìn hwìè-ɔ̀ kɛà kɛ̀;

Ɔ ɓá à nyuu-ɖɛ̀ dyí.

3. Hwìè muà fɛ̀ɛ̀ gboɛɛ nì ɓó.

Ɓèìn ɖá ɓè ké ɖe gmɔ̀.

Geɖe-pɔɔ ɖàa cɛ̃ kà ɓɛ́

Hwìè kà kò ɖò se nì,

Ɓɛ́ ɔ ké gìɖìì ɓéɖé mìɔ

Mɔɔ ɖɛ̀ɓɛ̀ìn-ɖɛ̀ɓɛ̀ìn ɓéɖé cá kɛ.

Hwìè nìà kɛ nyí nyɔ fɛ̀ɛ̀.

Nì zùo Geɖe-pɔɔ à Ɓà.