WƐ́ÐƐ́ 57
Geɖepɔɔ-Wùɖùɔ̀ Cɛ̃-Cɛ̃ Ðé Nyɔ Séín Gbo
(1Tímétè 2:4)
1. À mɔ́ à ké à Geɖe-pɔɔ mɔ́ɔ́-ɖɛ̀ nyu,
Ɓɛ́ à ké nyɔ séín mú ɖɛ̀ɓɛ̀ kà ɔ nyuàà.
Ðɛ ɔ mɔ́ jɛ́ɛ́ kɛɛ mɔ̀ nyɔ séín ké pó.
Ɔ ɖá nyɔùn séín ɓɛ́ wa ké ɔ nyɔ jù.
(WƆ̃́ÌN-WƆ̃́ÌN)
Nyɔ ɓèɔ̀ kpa ɖɛ, ɔ se dàà;
Ðé wa hwòɖòɔ̀ bũ̀ ɖé ɔ gmɔ̀.
À kpa ɔ wuɖuɔ̀ ti séín ɖé nyɔ séín gbo.
Se-poɛ-ɖe à kɔ̃̀ ɖé jèɛɛ,
À cɛ̃ɛ wa gbo ɖé dà séín:
Kà nyɔ séín ɖò ɓɛ́ìn Geɖe-pɔɔ nyɔ jùɛ kɛ.
2. Dɛ̀ wa mu nììn nyɛɛ jè se ɖɛ kpa fɔɔ.
Mɔɔ kà wa mu nììn ɖé à gbo kĩ́ín nyɛ.
Ðɛ kpa ɖɛ kɛɛ mɔ̀ kà wa hwòɖò nyu nìɛ̀.
Nyɔ wa jù jàà kɛɛ ɖé Jɛ-ho-va dyé.
(WƆ̃́ÌN-WƆ̃́ÌN)
Nyɔ ɓèɔ̀ kpa ɖɛ, ɔ se dàà;
Ðé wa hwòɖòɔ̀ bũ̀ ɖé ɔ gmɔ̀.
À kpa ɔ wuɖuɔ̀ ti séín ɖé nyɔ séín gbo.
Se-poɛ-ɖe à kɔ̃̀ ɖé jèɛɛ,
À cɛ̃ɛ wa gbo ɖé dà séín:
Kà nyɔ séín ɖò ɓɛ́ìn Geɖe-pɔɔ nyɔ jùɛ kɛ.
3. Jɛ-ho-va kpɔ̃ nyɔ séín ɓè ɓɛ́ wa gãa
Ɓɛ́ wa ké ɓóɖó-kpàà dyi táà kɛɛ jè dyi.
À ɖàa ma cɛ̃́, ké à muɛ bɔ̃̀ dyi ɓèìn.
Ɔ jèɛɛ, à mu ɔ wuɖuɔ̀ nyɔ séín gbo cɛ̃ìn.
(WƆ̃́ÌN-WƆ̃́ÌN)
Nyɔ ɓèɔ̀ kpa ɖɛ, ɔ se dàà;
Ðé wa hwòɖòɔ̀ bũ̀ ɖé ɔ gmɔ̀.
À kpa ɔ wuɖuɔ̀ ti séín ɖé nyɔ séín gbo.
Se-poɛ-ɖe à kɔ̃̀ ɖé jèɛɛ,
À cɛ̃ɛ wa gbo ɖé dà séín:
Kà nyɔ séín ɖò ɓɛ́ìn Geɖe-pɔɔ nyɔ jùɛ kɛ.
(Dyé Jɔ̃́ɔ́ 12:32; Àpɔ́. 10:34; 1 Tím. 4:10; Tátɔ̀ 2:11 ɖekè.)