ˈWluyɩbhäyɩbhʋ ˈkɔdʋ a nɩkpawäzɩwäzɛ

ˈYlʋbö ˈwuë ˈmö, -aˈa ˈwluyɩbhäyɩbhɩɩ ˈkädɩ -a -bhɛɛ, mää -a liɛ ˈwugɔmʋʋ lile ˈn -a nʋä ˈmäna, yɩ ylɩ ˈnɩɛ -bhlɛ -kapaa ˈn wa -ɲɩaɲɩɛ ˈdɩ. Zaa, -mumuë ˈkäa Zoova ˈa kɛgänɔɔ ˈylɩmö a za, a wäzɩɛ nɩkpa a -bɛ -a -ɲʋa ˈkä ˈgämö -lɛ ˈwluyɩbhäyɩbhɩɩ ˈla ˈwʋ -wʋmö. (Ps 34:8) Sɛ -a ˈkää nɩkpawäzɩkpɩ libho a -libho ˈmö nʋnɩ, ˈyukugänɩwaa a -zɩkpa mʋa -kaɲɩɛ -sɩbhä sʋlʋnɩ.

-A ˈKÄÄ ˈWLUMÖ ZƲ

• -Zlɩmɛ wa ˈkä ɔ ˈna ˈwluyɩbhäyɩbhʋ ˈkɔdʋ ˈla -bhɛ ˈnɩ?

• -Mä -aˈa pɩɔ ˈyli -zlɩmɛ wa ˈkä ɔ nɩkpawäzɩwäzɛ tɛɛ ˈnɩ?

• -Zlɩmɛ wa ˈkä ɔ lagɔwɛlɩbiabiʋ a ˈwluyɩbhäyɩbhʋ -bhɛ ˈnɩ?

• ˈSaa n yɩbhä ɔ n ˈkä nʋ nɩkpawäzɩwäzɛ a ˈtɛɲɩ ˈmö ˈnɩ?

• -Mɔ n ˈkä ɔ wäzɩ ˈnɩ?

SƐ -N ˈKÄ Ɔ GBÄ ˈNƖ?

-N -kä bhälɩ ˈwë, -n bhɛnɩ -n ˈkä nɩɩ:

“ˈBhlɩɩ ˈwuë -gömö, wa yi ˈwluyɩbhäyɩbhʋ ˈkɔdʋ -bhɛ, nza -a dlinɩɛ nɩkpawäzɩkpɩɩ ˈlɛ. ˈYlɩ wa ˈkʋä ˈmö -bhɛ, ˈgïle ˈn dlɛsia, yɩ ˈwuë cɛlɩ -mä kpʋ ˈlɛ ˈklʋ. -A -kä yimö, yɩ -yiɲɩ ˈmäna ˈwʋ -bhö.”

-WA -PƲNƖƐ ˈYUKWLI, SƐ -A ˈKƲA Ɔ ˈYLI ZƲNƖ ˈNƖ?

-A yɩbhä abhlɩ -a ˈkä nɩkpa a -bɛ -aˈa ˈwluyɩbhäyɩbhʋ ˈkɔdʋ ˈwʋ wäzɩnɩ, maa -wa tula nɩɩ lagɔwɛlɩɩ nɛnʋa dlɩ yɔwʋ, -a nɩ zʋnuë ˈyli.

ˈDimasɩ aˈbhë ˈmö ˈn ˈylɩ gbʋplʋ ˈwʋ, -n -kä nɩkpɛ peliodikö ɛ -käˈɛ kpʋ ˈɲɛ, ˈɲɛmɔˈɛ ˈgämö nɩkpawäzɩkpʋ.