-Mɔ n ˈkä ɔ wäzɩ ˈnɩ?

ˈYlʋbö ˈwuë ˈmö, ˈyli yɔwʋ -a ˈtɛmanɩɛ ˈn -a wäzɩɛ nɩkpa wa ˈkä Zezwii ˈa ˈkwie a ˈwʋligbanɩzlɩ ˈwʋ yi. Nɩkpa ˈla a glaˈmö a -nʋa a -bɛ, -a ˈnʋa -yi. Maa, -a käˈɛ -a ˈkä nɩkpa -a -yiɛ wäzɩmö. ˈLɩlɩlɩ a dɔˈwʋ, -muë -a -yiɛ, -a -kʋa nɩkpawäzɩkpɩ ˈɲɛ, mʋa bhɛnɩɛ wa ˈkä Zezwii ˈa ˈkwie a ˈwʋligbanɩzlɩ ˈwʋ yi. (yb08-F 11 § 3; 14 § 1) Zaa, -muë -a bhɛnɩ bhä -a ˈkä wäzɩ ˈnɩ?

• -Aˈa -kosu yɔwʋ a -nʋa.

• -A -ɲɛ nʋnɩɛ libho ˈwʋ, ɛ -käˈɛ -aˈa -suku ˈmö a -nʋa.

• -Aˈa dɛglɩwaa.

• -Muë -a ˈɲɛ a-a lagɔwɛlɩɩ -a möä ˈylɩmöä -ɲɛ -muë -a ˈcɩa a-a Biblë ˈsɔ ˈn -muë -a -ɲɛ ˈcɩɛ a -sɩkaa Biblë.

Lagɔdaayuëa -waa biamö lagɔwɛlɩɩ -këë cwɩ gbʋplʋ yiɛ ˈplɩ, ˈyukugänɩwaa bhɛnɩ wa ˈkʋa wäzɩmö. -Mɔ -n yɩbhää -n ˈkä wäzɩ ˈnɩ -mä -naˈa pɩɔɔ ˈyli -wʋ ˈnaa? -Lɛ jw.org ˈklʋ a dɛɛ wa ˈzʋä -MUË -A GLƖNƖƐ, -n -kä -mä plɛ, dɛɛ wa zʋä “Zezwii ˈa ˈkwie a ˈwʋligbanɩzlɩ,” pɩɛnɩ -lɛ ˈwʋ, ˈylɩ wa ˈkʋä ˈmö -bhɛ, ˈgïle ˈn dɛ wa ˈkʋä -bhɛnɩ -mä ˈɔ ˈpɩɔ ˈyli, -n yi ˈylɩmö. -N -kä -naɲɩ ˈwlu gïganɩ dɔˈwʋ -wʋ ˈwluyɩbhäyɩbhʋ ˈla a za, -muë -n ˈkää wäzɩ, ˈpʋa ˈwʋ dlɩ. ˈN ˈɲʋa bhʋlʋbhlʋ nɩkpawäzɩkpʋ.