-Muë nʋ bhä zɩˈɛ ˈsaa Zoova yɩbhää ˈnɩ?: Sɛɛ -a ˈkʋ ɔ ˈmö ˈcɩanɩ ˈnɩ?

Blosu wa laa Qui fait la volonté de Jéhovah ? -a -kä nɩkpɛ Biblë ˈcɩa yii, -a nɩ yɩlɩ wʋ ˈkïbhïyie yɔwʋ ˈwë. -A -käˈɛ yɩbhä, -a -kä zɛmö bhɩɛ yii, -lɩbhä -a nɩ ˈzʋ -sɩbhä.a ˈCɩɛcɩɛkïbhë 1 -këë 4, mii ˈkɔɔ kwänɩ nzɩ ɔ -kaɲɩ sasɛ yɩbhlɩnɩ. ˈCɩɛcɩɛkïbhï 5 -këë 14, mii ˈkää ˈŋlɩ -kä, ɔ ˈkä libhoo -a nʋä yɩbhlɩnɩ. ­ˈCɩɛcɩɛkïbhï 15 -këë 28, mii ˈkää ˈŋlɩ -kä, ɔ ˈkä sɛɛ -aˈa ­ˈwlugïgänɩzɩkpa nʋä libho yɩbhlɩnɩ. Blosu ˈla a kïbhï sɛ yɩ -glɛglɛnɩɛ ˈwʋ, -sɩbhä -a nɩ -gänɩ nzɩ -a ˈkä ˈcɩa. Maa -a ˈcɩaa Biblë -kaɲɩ ˈkïbhë ˈwʋ ˈyɩbhänɩɩ, -a bhɛnɩ -a ˈka yɔwʋ yɩlɩ. -Lɛ kpʋ -bhlʋ ˈklʋ cuu, -lɛ ˈcɩɛcɩɛkïbhëa -wʋä. -A bhɛnɩ -a ˈka minitia ngbï ɛ -käˈɛ minitia kʋgbä ˈmö yɔwʋ yɩlɩnɩ.

• 

  ˈƝɔ ˈdɩ nɩɩ, ɔ nɩ köbha ˈcɩɛcɩɛkïbhëa a wäzɩnaa ˈyli.

• A nɩ zɛlɩnɩ ˈgämö ˈmö. A bhɛnɩ a ˈkä ˈsaa a zɛlɩɛ ˈmö, ˈkïbhï ˈkïbhï ˈmö zɛlɩnɩ. A -käˈɛ -wa, sɛ yɩ -wʋä -lɛ kpʋ ˈklʋ, a nɩ zɛli ˈmö ˈwë nzɩ -a ˈkɩa bhäla yɔwʋ yɩlɩ.

• A nɩ yɩlɩ ˈsaa a zɛlɩɛ ˈmö yɔwʋ. Kpʋ zɛmö a nimïyɩbhäkïbhï ˈn fotii, -a nɩ ghlɛnii ˈmö. -A bhɛnɩ -a ˈkä Biblë ˈa gbɛlɩɩ ˈmö zɛlɩ, -a ˈkɩ zɛmö -sɛ. Kïbhï wa ˈyulaa, sɛ yɩ sɛɛ ˈcɩɛcɩɛkïbhëa a wäzɩna zɛmö, pɩɛnɩ ˈwʋ.

• ˈCɩɛcɩɛkïbhëa -kä -ziplea wa laa “ˈCɩɛ -lii -mimii a -bɛ” ˈmö -kää, a nɩ zɛlɩna ˈgämö ˈmö, ˈpɔ swɩ ɲɛmʋ ˈmö ɔ ˈkä ˈdɩmözʋwɛlɩɩ -yɩ -wʋä -mä -gänɩ.