-A -gïganɩ ˈwlu -a ˈkä nɩkpa a kii ˈwuë lagɔwɛlɩɩ ˈɲɛ

Sɛɛ Zoova gïganɩ a-a bhlaˈmö Yizlaɛlɩ a -nʋa ˈwlu, -sɩbhä ɔ gïganɩɛ zɩˈɛ ɔ -nʋa ˈwlu nzɩ wa ˈkä ˈsaa ɔ yɩbhää nʋ. -Mä bhlɩɩ ˈwuë -gömö, betɛlia mi, pɩɩ mi, lagɔzɩkpö mi, lagɔwɛlɩbiawaa a -zɩkpö mi, yɩ ˈwuë, ˈgämö yɩ nʋnɩɛ libho ˈn yɩ biaa Lagɔ ˈa ˈtɩtɩ a -tɩtɩɩ. Nɩkpa a kii ˈwuë mö -a ɲɛɛ lagɔwɛlɩɩ, -wa gbää käbögbɩ kökä.​—ˈKl 14:6, 7.

-N ˈkä käbögbʋ ˈcɩɛ nzɩ -n ˈkä nɩkpa gbëawɛlɩ ˈɲɛ, -n pɩ bhä ˈwʋ dlɩ -a? -N ˈnɩ ˈtɛɲɩ -kä -n ˈkä käbögbʋ ˈcɩɛ, -n bhɛnɩ -n ˈkä JW Language ˈmö ghlɛnɩ, nzɩ -a -kä nɩkpɛ lagɔwɛlɩɩ ˈɲɛɛ yi a sɛɛ -a ˈkää gbä, -n ˈkä yɩ ˈkïbhïyie ˈcɩɛ. Lagɔwɛlɩbiabiu a dɔˈwʋ, -n -kä JW Language ˈmö ghlɛnɩ, sɛɛ ˈmäna ˈlɩbhä a-a tɛkäklɩtɩɛwaa, a -yimö -sɩbhä ˈlɩbhämö. Dɛɛ Lagɔ nʋ a-a ˈɔ “-li a -lii ˈkädɩ,” wa yiɛ käbögbɩ ˈmö bhïlanɩ, ˈn yɩ yiɛ nɩkpa wa ˈnwiɛ zuzu -gömö -sɛ, waˈbhï yɩ ˈzuë a-a teɲii ˈmäna dlɩ zɛmö.​—Zt 2:7-11.

A NƖ YLƐ VIDEO, ˈZƲ ZOOVA A BHEYI: BIANƖ LAGƆWƐLƖƖ KÄBÖGBƲ ˈMÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Sɛɛ JW Language bhɛnɩ bhä ɛ -kaɲɩ kwänɩ ˈnɩ?

• 

  A nɩ -dɩ ɛ ˈklʋ a -lii -mimii ˈŋlɩ.

• 

  Gbɩ a -mi nɩkpa gbä ɔ -mä ˈa ˈpɩɔ ˈyli ˈnɩ?

• Lagɔwɛlɩɩ -kä nɩkpɛ dlɩ yɔwʋ nɛnɩ ˈn ɔ ˈnɩ -naˈa gbʋ gbää, sɛɛ -n ˈkä ɔ ˈzʋ ˈnɩ?​—od-F 100-101 § 39-41