Akori fahitanau fivilomana ni amarei ?

VALINI BIBLU

« Ndragnahari [...] hamitri ranumasu djabi an masundreu, ata fati tsi hisi kua ; wala alahelu, wala tarenyi, wala tehuku tsi hisi kua. Raha taluha nafaka » (Fagnabukuana 21:3, 4, Tafaswiri ni dunia vaovao).

DIKANI IZI IU AMINAU

Aya iu magnamia anau tama ahazu :

asa tsara (Izaya 65:21-23),

fivilomana tsara tsisi aretinyi wala dzali ata heli (Izaya 25:8 ; 33:24),

fiaragnana tsisi farani an tragnunau ndreki ri havanau (Zabura 37:11, 29).

HOLU METI MATUKI RAHA VULANYI NI BIBLU ?

Iya, misi manani shingani aroyi :

• Ndragnahari mahaleu mampandzari tama nameni. Agnati ni Biblu, Ndragnahari Jehovah tu « Farani Maheri », mana fahirezani tsisi farani (Fagnabukuana 15:3, Tafaswiri ni dunia vaovao). Iu ro haviani, izi mahefa mampandzari tama nameni hagnova fivilomana. Karaha nivulanyi ni Biblu, « Ndragnahari mahefa raha djabi » (Mata 19:26).

• Ndragnahari mitia mampandzari tama nameni. Karaha atoni, Jehovah « fa shoku » hamelugnu ndreki holu nati renyi (Ayuba 14:14, 15).

  Biblu mivulagna ka : « Jehovah marikitri holu mafrenyi ; ndreki izi mitahitahi holu malahelu » (Zabura 34:18).

  Iya, Ndragnahari shoku mitahitahi holu midzali. Atsika meti matuki amba Ndragnahari mitia mitahitahi atsika ahazu fivilomana tsara ni amarei ! (Zabura 72:12-14 ; 145:16 ; 2 Piera 3:9).