Dzali mwa mbu hisi zuva itsahatra ?

VALINI BIBLU

« Ndragnahari [...] hamitri ranumasu djabi an masundreu. Tsi hisi kua fati, tsi hisi kua alahelu, wala tarenyi, wala dzali » (Fagnabukuana 21:3, 4, Parole de Vie).

DIKANI IZI IU AMINAU

Aya iu magnamia anau :

fatukisana amba dzalinau tsi boka an Ndragnahari (Ankubu 1:13),

haravuagna an fahizanau amba Ndragnahari malahelu mahita dzalinau (Zakaria 2:8),

tama ankitinyi amba dzali djabi mbu hitsahatra (Zabura 37:9-11).

HOLU METI MATUKI RAHA VULANYI NI BIBLU ?

Iya, misi manani shingani aroyi :

• Ndragnahari mihala dzali ndreki raha tsi haki. Zaha modeli nisi Ndragnahari wakati ni holunazi nampidzalindreu. Ho Biblu, « nalahelu amindreu izi lera naharignesani tarenyindreu an dzali vuareu » (Ampimalu 2:18, Bible en français courant).

  Ndragnahari tsi tia ata hata holu mampidzali ri havani. Ato-ndraha, Biblu mivulagna amba Jehovah « mihala », « tagnana magnaboka liu ni holu tsi nagnanu ata raha » (Obulagna 6:16, 17, Tafaswiri ni dunia vaovao).

• Ndragnahari mitarimi atsika areki-areki. Kila holu mehei « beinazi ndreki tehukunazi », fo Jehovah kua mehei zenyi ! (2 Kuragna 6:29, 30).

  Tsi hu ela, Fandzaka ni Jehovah hagnaboka dzali ni holu djabi (Mata 6:9, 10). Rangu ijoti, izi mitahitahi holu mitsakaraka izi ankitinyi (Asa ndri maswahaba 17:27 ; 2 Reu Korinti 1:3, 4).