Holu mati mwa mbu hisi zuva hu velugnu ndreki ?

VALINI BIBLU

« Mbu hisi fiviloman’holu mati ndreki » (Asa ndri maswahaba 24:15, Tafaswiri ni dunia vaovao).

DIKANI IZI IU AMINAU

Tama iu :

mampayivagna alahelunau an fati ni holu tianau (2 Reu Korinti 1:3, 4),

magnafaka fitahoranau fati (Reu Hebreu 2:15),

mampatuki fahitanau ndreki, holu tianau fa nati (Yuhani 5:28, 29).

HOLU METI MATUKI RAHA VULANYI NI BIBLU ?

Iya, misi manani shingani telu :

• Fivilomana boka an Ndragnahari. Biblu mivulagna amba Ndragnahari ro « magnamia fivilomana, ndreki raha djabi » (Asa ndri maswahaba 17:24, 25 ; Zabura 36:9). Ke tsi sarutru aminazi hamelugnu ndreki holu nati.

• Ndragnahari fa namelugnu ndreki holu nati taluha tou. Biblu mikuragna holu nati valu (tseki au matoyi, lalahi, viavi au zaza) nivilomini Ndragnahari ndreki tan tani tetu. Sasani vu mati, fo misi areki fa nalevinyi ata nomba zuva efatra, ne nivilomini ndreki ! (Yuhani 11:39-44).

• Ndragnahari fa shoku hamelugnu ndreki holu nati. Jehovah mihala fati ; izi iu hitani karaha fahavalu (1 Reu Korinti 15:26). Izi « fa shoku » hagnwesa fahavalu iu, hagnaboka fati an famelumana ndreki holu mati. Tsharuni holu nati renyi ke fa tiani hamelugnu reu ndreki an tani etu (Ayuba 14:14, 15).