NLÔ AJÔ 02
Bible a ve bia ndi nlem asu melu ma zu
Minju’u bôte ba tôbane mie émo ji mia bo na be bo éyôé, na nlem ô bo be ôlune kom ése, a na be ju’ a mintaé. Ye ô tameya wô’ôtane nalé môs éziñ? Éko éziñ ô ne nkôkon, nge ke na môt a wuya wo. Ye wo sili womiene na, ‘Ye mam mé fo’o bo mvo’é môs éziñ?’ Éyalane ya Bible ja zu bôône wo nleme si.
1. Jé Bible a jô a lat a melu ma zu?
Bible a kate bia amu jé bia tôban abui minju’ émo ji; ve a su’u ke valé. A kate fe bia na minju’u mite mi mbeme man ana’ana. Jam a jô da ve bia ngule ‘ndi nlem’ asu melu ma zu. (Lañe’e Jérémie 29:11, 12.) Bengaka’a ya Bible ba volô bia na bi jibi minju’u bia tôbane mie den a mevak, a na bi yeme na meva’a mete me ne tabe nnôm éto a nnôm éto.
2. Bible a jô na ényiñe jé bo aya melu ma zu?
Bible a jô na melu ma zu “awu da ye fe bo; nalé fe ôlun wo ye fe bo, nge ñyôn, nge mintaé.” (Lañe’e Nlitan 21:4.) Minju’u mise mia tya’a bia nleme den ane azoé, ékotekot, ôkon, a awu mii man. Bible a jô na bôte bé bu’uban ényiñe Paradis si va nnôm éto a nnôm éto.
3. Jé é ne volô wo na ô yeme na mame Bible a jô a lat a melu ma zu me ne été?
Éko éziñe môt a ka’aleya wo mbamba ényiñ, ve azukui den, wo sili womiene nge wé fo’o bi ényiñ éte môs éziñ. Bengaka’a Bible nye a bo be nji bo ba ya ve’e be befe’e. Nge bia nyoñ éyoñe ya kôme ‘fombô mejô me ne ntilane Kalate Zambe été,’ bii tu’a yemelane na bengaka’a bese a bo bé tôéban. (Mam minlôman 17:11) Ve sake môte nnye a yemete wo na ô buni mame Bible a jô a lat a melu ma zu, womiene wo tyik nge wé tabe ndi a bengaka’a bete nge momo.
TUKA’A FAK
Tame yene mame Bible a ka’ale bia asu melu ma zu. Yene’ ane bengaka’a ya Bible ba volô abui bôte den.
4. Bible a jô na bii nyiñe nnôm éto meva’ été si va
Tame kôme fombô bengaka’a ya Bible ba tôñe valé. Mbé nnye wo yi na a taté tôéban? Amu jé?
Lañe’e bifuse ya Bible bia su’u ngaka’a ése, mvuse ya valé, yala’ane minsili mi:
Ye ngaka’a nyi é ne mfi asu dôé? Ye é ne mfi asu môt éziñe ya nda bôte jôé nge ke mvôé jôé éziñ?
Tame simesane na wo nyiñe vôme
TEKE FE . . . |
MÔT ASE . . . |
|---|---|
|
|
|
|
|
|
|
|
|
|
5. Bengaka’a ya Bible be ne tyendé ényiñe jôé
Minju’u mia te’e abui bôt, a bo na be bo ôngase. Bôte béziñe ba kui kui na be wosan amu ba yi na mam me tyendé. Tame yen ane bengaka’a ya Bible ba volô abui bôte den. Futi’i VIDÉO, mvuse ya valé, yala’ane minsili mi:
Aval avé ékotekot é nga ndeñele Rafika?
Aval avé Bible a nga volô nye akusa bo a nji fo’o kui na a wosan ékotekot éte?
Jame Bible a jô a lat a melu ma zu é ne ve bia ngule nyul, a volô bia na bi dañe minju’u bia tôbane mie den. Lañe’e Minkana 17:22 a Beromain 12:12, mvuse ya valé, yala’ane minsili mi:
Ye wo simesane na jame Bible a jô a lat a melu ma zu é ne tyendé ényiñe jôé? Amu jé wo jô nalé?
BÔTE BÉZIÑE BA JÔ NA: “Za aval abeñe bengaka’a Bible a bo di! Ve ye bé fo’o tôéban?”
Ye wo simesane na bia yiane jeñ éyalane ya nsili ôte?
ÔBALEBAS
Bible a ka’ale bia angôndô ya mbamba be mam asu melu ma zu, mam mete ma ve bia ndi nlem a bo na bi bi mbamba ényiñe den.
Ô ne yalan aya?
Amu jé bôte ba yiane yem bengaka’a bia koone be Bible été?
Mam mevé Bible a ka’ale bia asu melu ma zu?
Aval avé jame Bible a jô a lat a melu ma zu da volô wo den?
MAM MEFE ME NE VOLÔ WO
Ndi nleme ya Bible é ne volô wo éyoñe wo tôbane minjuk.
“L’espoir : où le trouver ?” (Vee ôyo! ya mbu 2004, Ngone nyini é too melu 22)
Tame yen avale ndi nleme ya Bible ja volô bôte na be jibi ôkone wop.
“Vivre avec une maladie chronique : la Bible est-elle utile ?” (Ô ne koone nye anjeñe mefoé dangan)
Nté wo yene vidéo nyi, tame bo ve ane mia nda bôte jôé mia bu’uban ényiñe Paradis.
Tame yen ane ényiñe môt éziñ é nga tyendé éyoñ a nga yeme jôme Bible a jô a lat a melu ma zu.