Liti’i nye’ane nda bôt été

Nye’an ô ne ane colle, wo late bibu’a ya menda me bôt. Bibu’a ya nda bôt bi vo’o tu’a bo nlatan a saé fufulu nge nye’an ô nji bo. Aval avé nnôm ba ngal, a bebiaé be ne liti nye’ane nda bôt été?

Fam ja nye’e minga wé ja nyoñe ngab a miñyiane mié, ja semé fe ôsimesane wé a aval a wô’ôtane nlem. (Beép 5:28, 29) Mbamba nnôm a jalé miñyiane ya nda bôte jé mfa’a ya minsôn a mfa’a ya nsisim, a véé fe mise na ayé’é ya nda bôt e bobane sondô ase. (1Tim 5:8) Mbamba minga ki a semé nnôme wé nya nsemane. (Beép 5:22, 33; 1P 3:1-6) Ane ô vaa nalé, nlu’ ase a yiane jamé nyô mbo’ a nlem ôse. (Beép 4:32) Wônaa bebiaé ki ba yiane volô bone bap na be nye’e Yéhôva, a kôme nyoñe ngab a môt ase ya be be. (Dt 6:6, 7; Beép 6:4) Minju’u mivé bone bap ba tôbane mie sikôlô? Aval avé ba bo éyoñe bongô bevo’ ba kômbô tindi be na be bo mbia jam? Éyoñe nye’ane wo fuluku nda bôt, bibu’a bise ya été bia wô’ôtane ve ane bi ne abemba.

YENE’E VIDÉO A NE NLÔ AJÔ NA NKELAN ÔSU A LITI NYE’AN Ô NE TEKE MAN NDA BÔTE JANGAN ÉTÉ, MVUSE YA VALÉ YALA’ANE MINSILI MI:

• 

  Aval avé mbamba nnôm a voñôlô minga wé?

• 

  Aval avé mbamba minga a semé nnôme wé?

• 

  Aval avé mbamba bebiaé ba volô bone baba na be tôñe metiñe me Yéhôva?