Ô ne bo na nda bôte jôé é nyiñe mevak été

Yéhôva a yi na menda me bôte me nyiñe mevak été. (Bs 127:3-5; Ecc 9:9; 11:9) Ve biyebe ya ényiñ a bikobe bibu’a ya menda me bôte bi ne bo na meva’a mete me man. Jé ébu’a ése já yiane bo asu na nda bôt é nyiñe mevak été?

Nnôm a yiane ve minga wé duma. (1Pi 3:7) Nnôm a lôte fe éyoñ a minga wé. A nji beté ôdo’é mfa’a ya mam a yi na minga wé a bo. A ve nye akiba asu mam a bo asu dé a asu nda bôte jap. (Col 3:15) A kate nye na a nye’e nye, a se’e fe nye.​—Mink 31:28, 31.

Minga a jeñe mezene ya suk nnôme wé. (Mink 31:12) A sili émiene si éjôé be nnôm, a saé ba’aba’a a nnôme wé. (Col 3:18) A kobô nye a évôvoé ése, a jô fe mbamba be mam a lat a nnôme wé.​—Mink 31:26.

Bebiaé ba lôt éyoñ a bone bap. (Dte 6:6, 7) Ba kate bone bap na ba nye’e be. (Mat 3:17) Éyoñe ba lebe bone bap, bebiaé ba bo de a fulu atyeñe meyen, ba liti fe be nye’an.​—Éph 6:4.

Bone ba yiane bo bebiaé bap mewôk. (Mink 23:22) Ba kate bebiaé bap asimesane dap a avale ba wô’ôtane mam. Ba kañese melebe bebiaé bap a liti be ésemé.​—Mink 19:20.

YENE’E VIDÉO A NE NLÔ AJÔ NA, BO’O NA NDA BÔTE JÔÉ É NYIÑE MEVA’A ÉTÉ, MVUSE YA VALÉ, YALA’ANE NSILI WU:

Jé ébu’a ése ja bo asu na nda bôt é nyiñe mevak été?