Ye Bengaa be Yéhôva ba sa’ale bôte be nga kôlô ñyebe wop?

Bi ne te sa’ale môt ase a nga dubane Ngaa Yéhôva, ve te ke ôsu a kañete, nge te beta yeñ a bengaa bevok. Bia jeñe jeñe na, bi beta wômôlô ayôñe ya nsisime dé.

Bi nji telé môte feñ ve nane a bo mbia jam. Nge mone Bengaa a dubaneya a bo mbia jam bebé ane wup, nge jô’ôbô a bitume bi bon, ve teke kômbô jôban, ngaa te j’aye tebe feñ. Kalate Zambe a jô na: “Va’ane mbia môt e zañe jenan.”—Koréñt Ôsu 5:13, Kalate Zambe mfefé nkôñelan.

Nge d’akui na, fam é tele feñ, ve ngal a bone ke be ne Bengaa, môt ate a yiane nyiñ aya a nda bôte jé? Élate jab ya nsisime ñje ja ye tyendé, sake ji ya minsôn. Ényiñe ya nda bôt, nye’an ya ngal a bone ba nye’e nnôm a ésa wop wo ye ke ôsu.

Môt a tele feñ, a ne tabe bisulan biangan. Nge a kômbô, bemvendé ya akônda be ne ve nye melep. Nsôñan ô ne na, bi volô môt ate na a beta bo Ngaa Yéhôva. Nge nyô ase a tele feñ a jô’é mbia mboan, a liti na a beta kômbô nyiñ avale Kalate Zambe a jô, a ye beta bo Ngaa Yéhôva, bia ye nyoñe nye a mevak mese.