How fi Yooz Dis Lee Buk

Eena dis lee buk, yu wahn ku reed wahn skripcha fi eech day, ahn den sohn koments pahn di vers fi da day. Eevn doa yu ku reed it enitaim joorin di day, lata peepl laik reed it da maanin. Wai? Kaaz den yu wahn ku tink bowt it joorin di day. Yu famili wahn benifit wahn lat if yu reed ahn diskos it tugeda. Bradaz ahn sistaz da Betel aal oava di werl du dis tugeda eech maanin.

Di koments fi eech Baibl vers kohn fahn di Wachtowa (w) magazeen dehn weh kom owt fahn Aypril 2022 tu Maach 2023. Di nombaz afta di dayt a di Wachtowa tel yu wich payj ahn wich paragraaf di koments kohn fram. (Yu ku si wahn egzampl eena di picha pahn dis payj.) Soh if yu waahn reed moa bowt di skripcha fi di day, yu ku luk op di aatikl eena di magazeen.