Yooz Yu Imajinayshan fi Get Moa Owta Yu Baibl Reedin

Wi ku laan wahn lata impoatant tingz fahn weh mi hapm joorin Baibl taimz. If wi imajin di tingz weh wi reed bowt, ih wahn eeziya fi andastan ahn wi wahn get moa owta it. Dehnya da sohn sojeshan weh ku help yu fi imajin weh yu reed eena di Baibl.

• Reed owt lowd. Wen yu reed di Baibl owt lowd, dat wahn help yu fi imajin weh mi-di hapm. Wen yu reed di Baibl wid yu famili, mek eech persn reed wahn difrent karakta. Play laik yu mi dehdeh fi si weh hapm.

• Imajin weh mi hapm. Chrai fi andastan how di difrent karakta dehn mi tink ahn weh dehn mi feel. Fi egzampl, aks yuself: ‘Wai dis persn mi seh weh ih seh? Wai ih mi du weh ih du? How Ai wuda mi feel er weh Ai wuda mi tink if Ai mi deh eena da sichuwayshan?ʼ

• Jraa wahn picha. If yu jraa wahn picha a sohnting weh yu reed eena di Baibl, eevn if yu kyaahn jraa gud, dat wahn help yu fi imajin it ahn fi memba it beta.