Inchrodokshan tu Sekshan 9

Dis sekshan teech wi bowt sohn yong peepl, prafit, ahn king weh mi ga schrang fayt eena Jehoava. Da Siriya, wahn lee Izrelait gyal mi ga fayt dat Jehoava prafit ku kyoar Nayman. Di prafit Ilaisha mi ga ful chros dat Jehoava wuda protek ahn fahn wahn big aami weh mi deh gens ahn. Hai Prees Jehoyada mi ris ih laif fi protek yong Jehoawash fan ih wikid grani, Atalaiya. King Hezikaiya mi chros dat Jehoava mi wahn reskyu Jeroosalem, an ih neva giv een tu di chrets fahn di Asiriyan aami. King Josaiya mi geh rid a aidol wership fahn di lan, ih fiks bak di templ, an ih mek di nayshan staat tu wership Jehoava agen.