Inchrodokshan tu Sekshan 11

Eena dis sekshan, wi wahn staat tu reed bowt tingz weh mi hapm eena di Kristyan Greek Skripchaz. Jeezas mi baan eena wahn famili weh neva ga lata moni ahn dehn mi liv eena wahn smaal tong. Hihn mi werk wid ih pa, hoo da-mi wahn kyaapenta. Jehoava pik Jeezas fi bee King a di Kingdom a hevn. If yu da wahn payrent, help yu chiljren fi apreeshiayt how Jehoava mi chooz di rait famili fi Jeezas. Jehoava mi chooz wahn famili weh reeli lov ahn wership onli Hihn. Shoa dehn how Jehoava mi protek Jeezas fahn Herod wen ih mi-di chrai kil ahn. Notn ku stap Jehoava perpos fahn kohn chroo. Help dehn andastan dat Jehoava mi asain Jan fi pripyaa di way fi Jeezas. Ahn foakos pahn how Jeezas mi lov Jehoava wizdom fan ih yong.