Inchrodokshan tu Sekshan 12

Jeezas mi teech peepl bowt Gaad Kingdom da hevn. Ih aalso teech dehn fi pray mek Gaad naym bee hoali, fi mek ih Kingdom kom, ahn fi mek ih wil tek plays pahn di ert. If yoo da wahn payrent, help yu chiljren fi si weh da pryaa meenz ahn wai ih soh impoatant tu wi. Jeezas neva giv een tu Saytan temtayshan. Jeezas mi chooz ih apasl dehn, ahn dehn da-mi di fers peepl weh Gaad mi anoint wid hoali spirit fi bee paat a di Kingdom. Noatis how Jeezas mi ga lata zeel fi chroo wership. Ahn bikaaz ih mi waahn help adaz, ih heel di sik, feed peepl weh hongri, an eevn rayz op peepl bak fahn di ded. Wen ih mi du aala dehndeh miraklz, ih shoa weh Gaad Kingdom wahn du fi evribadi pahn di ert.